നുണയന്മ്മാരുടെ രാജാവെ സ്വസ്തി

 നുണയന്മ്മാരുടെ രാജാവെ സ്വസ്തി  

വലിയ വലിയ ആളോള് നല്ല നല്ല കാര്യങ്ങൾ പഠിപ്പിക്കുമ്പള് അത് കേട്ടോണ്ടിരിക്കണത് നുമ്മക്ക് ഒരു വീക്നെസ്സാ,  അതോണ്ടാ  പ്രമുഖ ധ്യാനഗുരൂം   കേരത്തിലെ ഒന്നാം നമ്പർ ബൈബിൾ പണ്ഡിതനായ  മ്മട  ഡാനിയേലച്ചൻറെ  ക്ലാസോളൊക്കെ ഞാൻ മൊടങ്ങാതെ കേക്കണത്, എങ്ങാനും സ്വർഗം കിട്ട്യാലോ.... അങ്ങനെ കിട്ട്യോരിണ്ടേയ്.... 

മാനസാന്തരത്തിനായി നിരന്തരം  പ്രയത്നിച്ച് കൊണ്ടിരിക്കുന്ന ഞാനും,  വിശ്വാസികളായ കുഞ്ഞാടുകളും ഏറ്റവും കൂടുതൽ കേൾക്കുന്ന ബൈബിൾ ക്‌ളാസുകൾ തിരുവനന്തപുരം സീറോ മലങ്കര രൂപതയിലെ അംഗവും,   Mount Carmel Retreat Centre  ഡയറക്റ്ററും, കേരളത്തിലെ വിവിധ രൂപതകളിലും വിദേശത്തും  ധ്യാനങ്ങൾ നടത്തുന്ന പ്രമുഖ ബൈബിൾ പണ്ഡിതനായ ഫാദർ ഡാനിയേൽ പൂവണ്ണത്തിലിൻറെതാണ്. 

മിസ്റ്റർ ഡാനിയേൽ,  എന്തും വിശ്വസിക്കാമെന്ന നിങ്ങളുടെ സ്വാതന്ത്ര്യത്തെ മാനിക്കുമ്പോഴും നിങ്ങൾ പറയുന്ന നുണകളെ ശക്തമായി എതിർക്കും. കാരണം ഒരിക്കൽ ഞാനും നിങ്ങളെപോലുള്ളവർ പറയുന്ന നുണകൾ സത്യമെന്നു വിശ്വസിച്ച് ജീവിച്ച ഒരാളാണ്. ഞാൻ നിങ്ങളെപ്പോലെ  ഒരു ബൈബിൾ പണ്ഡിതനല്ല, ആധികാരികമായി ബൈബിൾ പഠിച്ചിട്ടില്ല,  ഇതെൻറെ ജോലിയുമല്ല, ആരെയും പറ്റിച്ച് ജീവിക്കേണ്ട ആവശ്യവും ഇതുവരെ ഉണ്ടായിട്ടില്ല, ഇനി ഉണ്ടാവുകയുമില്ല. എന്ത് നുണപറഞ്ഞാലും കുഞ്ഞാടുകൾ വിശ്വസിക്കും എന്നതുകൊണ്ട്  നിങ്ങടെ കാര്യം കുശാലാ.  

ബൈബിളിനെക്കുറിച്ച്  പലപ്പോഴായി നിങ്ങൾ     നടത്തിയിട്ടുള്ള  അവകാശവാദങ്ങളെ  സ്ഥല - കാല - സന്ദർഭമനുസരിച്ച് നിലനില്പിനുവേണ്ടി നിങ്ങൾതന്നെ ഖണ്ഡിക്കുന്നത് എന്തൊരു  ഗതികേടാണ്... കൂടാതെ  ബൈബിളിനെ കുറിച്ച് നിങ്ങൾ  പറയുന്ന  മേന്മകൾ  വെറും  തള്ളുകൾ  മാത്രമാണ്. "കള്ളസാക്ഷ്യം പറയരുത്" എന്നായിരുന്നു ഒരുകാലത്ത്  എട്ടാം പ്രമാണം... ന്നാലും : 

ഇങ്ങെയൊക്കെ തള്ളാമോ 

ഇനിയും നമ്മൾ കാണേണ്ടേ  

🟡 -  40 - 47 - 60 -  ഗ്രന്ഥകാരൻമ്മാർ
❌ - നുണ 

🔷 - ആദ്യം നിങ്ങതന്നെ ഒരു തീരുമാനത്തിലെത്ത്, എന്നിട്ട് അറിയിക്ക്.  

അല്ല ഭായി, കത്തോലിക്കാ  സഭയുടെ  ഔദ്യോഗിക വേദപാഠം പഠിപ്പിക്കുന്നത്: "ദൈവമാണ് ബൈബിളിൻറെ ഗ്രന്ഥകർത്താവ്" എന്നല്ലേ? അപ്പോൾ ഇങ്ങനെ എണ്ണംപറഞ്ഞ്  ലേലം വിളിക്കുന്നത് അങ്ങേർക്ക് കുറച്ചിലല്ലേ?

CCC 105 

"God is the author of Sacred Scripture. the divinely revealed realities, which are contained and presented in the text of Sacred Scripture, have been written down under the inspiration of the Holy Spirit.” (1)

CCC 136 

"God is the author of Sacred Scripture because he inspired its human authors; he acts in them and by means of them." (2)

എത്ര ഗ്രന്ഥകാരൻമ്മാർ എന്ന് തീരുമാനിക്കുന്നതിനും മുൻപ്, ക്രിസ്തുമതത്തിലെ   ഏതു ജാതിയിൽപ്പെട്ട ബൈബിളാണ് എന്നുപറഞ്ഞാലെ  അതിൽ എത്ര പുസ്തകങ്ങളുണ്ട് എന്നറിയാനും അതനുസരിച്ച് എഴുത്തുകാരുടെ എണ്ണം  നിശ്ചയിക്കാനും  സാധിക്കുകയുള്ളൂ.   എന്നാലല്ലേ കണക്ക് ശരിയാകൂ.  അല്ലാതെ ഒരു ദൈവവും ഒരു ബൈബിളും എന്നവകാശപ്പെടാൻ  

പത്ത്കൽപ്പനകൾ എഴുതിയ നിങ്ങളുടെ ജീവനുള്ള ദൈവം സ്വർഗത്തിൽ നിന്നും കെട്ടിയിറക്കിയിട്ടില്ലല്ലോ, ഉദാഹരണത്തിന് കത്തോലിക്കാ ബൈബിളിലുള്ള  ചില  പുസ്തകങ്ങ പ്രൊട്ടസ്റ്റൻറ്  ബൈബിളിൽ ഇല്ലല്ലോ, അവർക്ക് 66  പുസ്തകങ്ങളല്ലേ ഉളളൂ ?

🟡 - 4 ഭൂഖണ്ഡങ്ങൾ
❌ - നുണ 

🔷 - നാലാമത്തേത് ആസ്‌ത്രേലിയ - അമേരിക്ക - അന്റാർട്ടിക്ക - ഇതിൽ ഏതെന്ന   കൺഫ്യൂഷ്യൻ മാത്രമേയുള്ളൂ. തള്ളിയപ്പോൾ പറ്റിയ  ഒരു ആന മണ്ടത്തരമാണ് നാല് ഭൂഖണ്ഡങ്ങൾ. എന്തിനുവേണ്ടിയാണ് ഇങ്ങനെ തള്ളിയതെന്നു മാത്രം മനസ്സിലായില്ല. 

എങ്ങെനെയൊക്കെ കടിച്ചു പിടിച്ച് ചവിട്ടി വലിച്ച് നീട്ടിയാലും മൂന്നിന് മുകളിൽ പോവില്ല  മിസ്റ്റർ, മാത്രമല്ല   ഇങ്ങനെ അവകാശപ്പെടാൻ അക്കലത്ത് ഇന്നത്തെപ്പോലെ ഭൂഖണ്ഡങ്ങളായി തിരിച്ചിട്ടില്ല എന്നത് വേറെയൊരു സത്യം.  പതിനേഴാം നൂറ്റാണ്ടിൽ പ്രചാരത്തിൽ വന്ന ഒരു വാക്കാണ് ഭൂഖണ്ഡം എന്നത് തന്നെ, ബെർതെ പറഞ്ഞന്നേയുള്ളൂ.

🟡 - ആദ്യമായി അച്ചടിക്കപ്പെട്ട  പുസ്തകം 
❌ - പെരും നുണ 

🔷 - CE  868  -  ഹീരകസൂത്രം (Diamond Sutra)

മഹായാന ബുദ്ധമതത്തിൻ്റെ ഭാഗമായ ഹീരകസൂത്രം (വജ്രസൂത്രം)  വ്യക്തമായ തിയതിയോടുകൂടി അച്ചടിക്കപ്പെട്ടത് CE 868 മെയ് മാസം 11-ന്നാം തിയ്യതിയായിരുന്നു.   (3, 4)

🔷 - 1377 -  കൊറിയൻ ബുദ്ധമത ലിഖിതങ്ങൾ (JIKJI)

1377 ൽ കൊറിയയിലെ Heungdeok ക്ഷേത്രത്തിൽ പ്രസിദ്ധീകരിച്ച, 2004 ൽ യുനെസ്കോ അംഗീകാരം ലഭിച്ച,    "കൊറിയൻ ബുദ്ധമത ലിഖിതങ്ങൾ" എന്നറിയപ്പെടുന്ന JIKJI  ഗുട്ടൻബർഗ് ജനിക്കുന്നതിനും മുൻപേ അച്ചടിച്ച പുസ്തകമായിരുന്നു. (5, 6, 7)

🔷 - 1450 - ഗുട്ടൻബർഗ് ബൈബിൾ

ഗുട്ടൻബർഗ് ബൈബിൾ അച്ചടിക്കുന്നത് 1450  കാലഘട്ടത്തിലായിരുന്നു  എന്ന് മനസ്സിലാക്കുമ്പോൾ ഏഷ്യയിൽ  എത്ര നൂറ്റാണ്ടു മുൻപേ അച്ചടി തുടങ്ങിയിരുന്നു എന്ന സത്യം വ്യക്തമാകുന്നത്. ബൈബിൾ അച്ചടിക്കുന്നതിനും മുൻപേ കവിതകളും,  ലാറ്റിൻ ഗ്രാമർ പുസ്തകവും (Ars minor  by Aelius Donatus) (8) സഭാ ഡോക്കുമെന്റുകളും   ഗുട്ടൻബർഗ്   അച്ചടിച്ചിരുന്നു.  എങ്ങനെയൊക്കെ ന്യായീകരിച്ചാലും  ആദ്യമായി അച്ചടിക്കപ്പെട്ട പുസ്തകമെന്ന ഖ്യാതി ഒരിക്കലും ബൈബിളിന് അവകാശപ്പെടാൻ കഴിയില്ല. ഇങ്ങനെ തള്ളിമറിക്കുമ്പോൾ ഇച്ചിരി ചരിത്രംകൂടി അറിയുന്നത് നന്നായിരിക്കും. (9, 10, 11, 12 , )

🟡 -  "ആദ്യ നാല് നൂറ്റാണ്ടുകളിൽ ബൈബിൾ ഉണ്ടായിരുന്നില്ല" 

❌ - നുണ 

🔷 - അപ്പോൾ ൻറെ തംശ്യം ദിതാണ്: 

- പഴയനിയമം ഉണ്ടായിരുന്നോ? 

- അതിനെ ബൈബിൾ എന്ന് വിളിക്കാമോ 

- പുതിയ നിയമം എഴുതിയത് അഞ്ചാം നൂറ്റാണ്ടിൽ ആയിരുന്നോ?

ആദ്യം പറയുന്നു ബൈബിൾ എഴുതിയത് 15 നൂറ്റാണ്ടുകൾ കൊണ്ടാണെന്ന്,  പിന്നീട് പറയുന്നു ആദ്യത്തെ നാല്  നൂറ്റാണ്ടുകളിൽ ബൈബിൾ ഉണ്ടായിരുന്നില്ല എന്ന്, അപ്പോൾ ബൈബിൾ ഉണ്ടായിട്ട്  എത്ര വർഷമായി?എന്തെങ്കിലും ഒരുകാര്യം ഉറപ്പിച്ച്  പറഞ്ഞാൽ വിശ്വസിക്കാൻ ശ്രമിക്കായിരുന്നു, ഇത് നിങ്ങ പറയുന്ന കാര്യങ്ങൾ നിങ്ങതന്നെ ഖണ്ഡിച്ചാൽ.... ഇങ്ങനാണേൽ ഈ കളിക്ക് ഞാനില്ല! 

🟡 -  സഭയിലാണ് ബൈബിൾ എഴുതപ്പെട്ടത് 

❌ - നുണ

🔷 - 

എന്ന് മുതലാണ് സഭയുണ്ടായത് എന്ന് ചോദിച്ചാൽ: ദൈവം സൃഷ്ടികർമ്മം നടത്തിയത് സഭയിലായിരുന്നു എന്ന് പറയില്ലെന്ന് കരുതുന്നു.  ഇന്നത്തെ ബൈബിളിലെ  പുതിയനിയമത്തിൽ ഉൾപ്പെടുത്തിയിട്ടുള്ള  പുസ്തകങ്ങൾക്ക് മുൻപേയും അതിനു ശേഷവും  എഴുതപ്പെട്ട പുസ്തകങ്ങൾ നിലനിൽക്കെത്തന്നെ  തങ്ങൾക്ക് ഇഷ്ടമുള്ള  കുറച്ച് പുസ്തകങ്ങൾ തിരഞ്ഞെടുത്ത്  ഇതാണ് നമ്മടെ ബൈബിൾ എന്ന് പറയുക മാത്രമാണ് സഭ ചെയ്തത്. അക്കാലത്ത് എഴുതപ്പെട്ട ബൈബിളിൽ ചേർക്കാത്ത പലപുസ്തകങ്ങളും ഇന്നും ലഭ്യമാണ് എന്നിരിക്കെ ദയവായി ഇങ്ങനെ തള്ളരുത്. 

🟡 -  സഭക്ക് വേണ്ടിയാണ് ബൈബിൾ എഴുതപ്പെട്ടത് 

❌ - നുണ

🔷 -   ഈ സഭ എന്ന് പറയുന്നത് "ഞാനും അഫനും സുഭദ്രയും" എന്ന് പറഞ്ഞത് പോലെയാണോ? അല്ല, യഹൂദർ  ഇപ്പോഴും സഭയിൽ ഇല്ലല്ലോ പക്ഷെ അവരുടെ പഴയ നിയമം നിങ്ങൾക്ക് വേണം താനും. പൗലോസിൻറെ ലേഖനങ്ങൾ മാത്രമാണ് പ്രത്യേകസഭകൾക്ക് എന്ന മേൽവിലാസത്തിൽ എഴുതപ്പെട്ടിട്ടുള്ളത് എന്നത് നാലാം ക്‌ളാസും ഗുസ്തിയും മാത്രം അറിയാവുന്ന, നാലക്ഷരം കൂട്ടിവായിക്കാൻ കഴിവുള്ള ഏതൊരു കുഞ്ഞാടിനും മനസ്സിലാക്കാവുന്നതേയുള്ളു മിസ്റ്റർ ഡാനിയേൽ. അല്ല, അറിയാൻ പാടില്ലാഞ്ഞിട്ടാണ്:  "റോമിലെ കത്തോലിക്കാ സഭക്ക്" എന്നും പറഞ്ഞ് ഏതെങ്കിലും സുവിശേഷം എഴുതിയിട്ടുണ്ടോ?

യഹൂദ മത പണ്ഡിതർക്കോ കത്തോലിക്കാ സഭക്കോ നിക്ഷേധിക്കാനാവാത്ത മറ്റൊരു  സത്യമുണ്ട്: ഇന്ന് നിലവിലുള്ള ഏറ്റവും പഴക്കമേറിയ  ബൈബിൾ CODEX SINATICUS (13) എന്ന ഗ്രീക്ക് കൈയെഴുത്ത് പ്രതിയാണ്. അതും ഇന്നത്തെ ബൈബിളും തമ്മിൽ പ്രകടമായ വ്യത്യാസങ്ങൾ നിലനിൽക്കെത്തന്നെ തള്ളുമ്പോൾ ഒരു മയം  വേണ്ടേ മാഷേ... അതിലുള്ള ചില  'ദൈവ നിവേശിത'  പുസ്തകങ്ങൾ എങ്ങനെ നിങ്ങടെ ബൈബിളിൽ ഇല്ലാതെ പോയി എന്നത് വെറുമൊരു തമാശമാത്രമായി തള്ളിക്കളയാം. (14, 15, 16, )

🟡 - 73 പുസ്തകങ്ങൾ 
❌ - നുണ 

🔷 - ഏതുകാലത്തെ ബൈബിളാണ്, ക്രിസ്തു മതത്തിലെ ഏതു ജാതിയിൽപ്പെട്ട  ബൈബിളാണ് എന്നതിനെ ആശ്രയിച്ചാണ് അതിൽ എത്ര പുസ്തകങ്ങളുണ്ടെന്ന് പറയാൻ  സാധിക്കുക. ഇനി കത്തോലിക്കാ സഭയുടെ ബൈബിളാണെങ്കിൽ അതും പരിണാമം സംഭവിച്ചാണ് ഇന്നത്തെ അവസ്ഥയിൽ എത്തിയത്.  

ഗ്രീക്ക് ഭാഷയിൽ നേരത്തെ  എഴുതപ്പെട്ട കുറെ പുസ്തകങ്ങൾ നാലാം  നൂറ്റാണ്ടിൽ തപ്പിയെടുത്ത്, അതിൽ തങ്ങൾക്ക് ഇഷ്ടമുള്ളത് മാത്രം തിരഞ്ഞെടുത്തത്, അത് ലത്തീൻ ഭാഷയിലേക്ക് മൊഴിമാറ്റം നടത്തി, അവ ഒരുമിച്ച് തുന്നിക്കെട്ടി, അതാണ് വിശുദ്ധ ഗ്രന്ഥം എന്ന് പ്രഖ്യാപിക്കുക മാത്രമാണ് സഭ ചെയ്തത്.  ജെറോം ക്രോഡീകരിച്ച ആദ്യ ബൈബിളിൽ നിന്നും പിന്നീട്  പുസ്തകങ്ങൾ നീക്കം ചെയ്തതും നിങ്ങൾ മറന്നതോ അതോ ഓർക്കാൻ ഇഷ്ടപ്പെടാത്തതോ?

🔷 - Peshitta

പെഷീത്ത എന്താണെന്ന് ഞാൻ നിങ്ങളെ ഓർമ്മിപ്പിക്കേണ്ട ആവശ്യം ഉണ്ടെന്ന് തോന്നുന്നില്ല മിസ്റ്റർ ഡാനിയേൽ, എന്നാലും വായനക്കാർക്ക് അറിയാൻ വേണ്ടി പറയുന്നു: മിസ്റ്റർ ഡാനിയേൽ നിങ്ങൾ പ്രതിനിധാനം ചെയ്യുന്ന സീറോ മലങ്കര സഭ കൂടി ഉൾക്കൊള്ളുന്ന സുറിയാനി സഭയുടെ ഔദ്യോഗിക ബൈബിളാണ് പേഷീത്ത. അതിൻ്റെ പുതിയനിയത്തിൽ ഏഴാം നൂറ്റാണ്ടു വരെ 22 പുസ്തകങ്ങൾ മാത്രമേ ഉണ്ടായിരുന്നുള്ളൂ എന്നതും  നിങ്ങൾ മറന്നതോ അതോ ഓർക്കാൻ ഇഷ്ടപ്പെടാത്തതോ? (17, 18 )

ഇന്നത്തെ കത്തോലിക്കാ  ബൈബിളിൽ ഇത്രയും പുസ്തകങ്ങളുണ്ട് എന്ന് മാത്രമേ നിങ്ങൾക്ക് അവകാശപ്പെടാൻ കഴിയുകയുള്ളൂ, കാരണം, ജെറോം ക്രോഡീകരിച്ച ബൈബിളിലെ ചില പുസ്തകങ്ങൾ   സഭ പിന്നീട്  നീക്കം ചെയ്തത് പോലെ  നാളെ സഭ മറ്റേതെങ്കിലും പുസ്തകം കൂട്ടിച്ചേർത്താലോ നീക്കം    ചെയ്താലോ  ഇന്നത്തെ എണ്ണം മാറും എന്നർത്ഥം. ബൈബിളിൽ യേശു പഠിപ്പിച്ച സ്വർഗ്ഗസ്ഥനായ പിതാവേ എന്ന പ്രാർത്ഥന തിരുത്തിയ സഭക്ക് ഒരു പുസ്തകം കൂട്ടി ചേർക്കാനോ ഒഴിവാക്കാനോ സാധിക്കില്ലേ? അല്ല  മാർപാപ്പയുടെ "അപ്രമാദിത്വം" അതാണല്ലോ. 

🟡 - "ഉല്പത്തിമുതൽ വെളിപാടുവരെ  കൃത്യമായ,   യുക്തിപരമായ,  ലോജിക്കലായ ഭദ്രത. ഇതുപോലൊരു  ഗ്രന്ഥം ഭൂമിയിലില്ല." 

❌ - നുണ 

 📕 -  Deuteronomy 4:2

"ഞാൻ  നൽകുന്ന കൽപനകളോട് ഒന്നും കൂട്ടിച്ചേർക്കുകയോ അതിൽ  നിന്ന് എന്തെങ്കിലും എടുത്തുകളയുകയോ അരുത്."   എന്ന് ദൈവം കൽപ്പിക്കുന്ന പുസ്തകത്തിലെ   യേശു പഠിപ്പിക്കുന്ന "സ്വർഗ്ഗസ്ഥനായ പിതാവേ" എന്ന പ്രാർത്ഥന നൂറ്റാണ്ടുകൾക്ക് ശേഷം  സഭ  തിരുത്തിയത് വെറുതെ ഒന്ന് ഓർത്തുപോയി.... ബൈബിളിൽ യേശു പഠിപ്പിച്ച പ്രാർത്ഥന തിരുത്തി എന്ന് പറയുമ്പോൾ ബൈബിൾ തിരുത്തി എന്നുതന്നെയാണ് അർത്ഥമാക്കേണ്ടത്. 

ലോകത്ത്  70  ഭാഷകളിലേക്ക്  വിവർത്തനം ചെയ്യപ്പെട്ട 50 കോടിയിലേറെ വിറ്റഴിക്കപ്പെട്ട  J. K. Rowling എഴുതിയ Harry Potter സീരിസ് ബുക്കുകൾക്ക്  ബൈബിളിനേക്കാൾ യുക്തിഭദ്രതയുണ്ട്  അത് മനസ്സിലാക്കിയാൽ തീരാവുന്നതേയുള്ളൂ എത്ര വട്ടം തിരുത്തിയെന്ന് സഭക്ക് പോലും ഉറപ്പില്ലാത്ത ഒരു പുസ്തകത്തിന് ദൈവീകത  തിരിച്ചറിയാൻ.

പരസ്പ്പരം കണ്ടിട്ടില്ലാത്തവർ എഴുതിയ പുസ്തകത്തിൽ നിങ്ങൾ പറയുന്ന    ഈ യുക്തിഭദ്രത എങ്ങനെ വന്നു എന്ന് ചോദിച്ചാൽ അതിന്  ഒരു  ഉത്തരമേയുള്ളൂ: ഗ്രീക്ക് പഴയനിയമവും  (Septuagint) (19) പഴയ ലാറ്റിൻ ബൈബിളും (vetus Latina(20) നിലനിൽക്കെ, ഇരുപത്തഞ്ചോളം വർഷങ്ങൾകൊണ്ട്  ജെറോം നടത്തിയ വെട്ടിത്തിരുത്തലുകളും, കുത്തിതിരുകലുകൾക്കുശേഷം   അവ ഒരുമിച്ച് തുന്നിക്കെട്ടി, അഞ്ചാം നൂറ്റാണ്ടിൽ  അതിനെ    പുതിയ ബൈബിൾ (BIBLIA VULGATA)(21) എന്ന പേരുനൽകുക മാത്രമായിരുന്നു സഭ  ചെയ്തതത്. വെറുതെ ഒരു ഉദാഹരണം പറയാം: ഇന്ന് നിലവിലുള്ള ഏറ്റവും പഴയ ബൈബിളായ CODEX SINATICUSൽ ഇല്ലാത്ത ഭാഗങ്ങൾ ഒന്നര നൂറ്റാണ്ട് കഴിഞ്ഞ് എഴുതിയ  ജെറോമിൻറെ ബൈബിളിൽ എങ്ങനെ വന്നു? ഉദാഹരണം: Mark, 16: 9-20 (22)

പിന്നീട്    മാറി മാറി വന്ന മാർപാപ്പാമാരുടെ ഇഷ്ടം അനുസരിച്ച്   ഓരോ ബൈബിൾ  കമ്മീഷനും ബൈബിളിൽ   മാറ്റങ്ങൾ വരുത്തി   അതാണ് വിശുദ്ധ ഗ്രന്ഥംമെന്നു കൽപ്പന പുറപ്പെടുവിക്കുകയും, അതിനു മുൻപുണ്ടായിരുന്നവയെല്ലാം അസാധുവായി പ്രഖ്യാപിക്കുകയും, അവയൊക്കെ  വാരിയിട്ട് കത്തിക്കുകയും ചെയ്തു. അസാധുവായ ബൈബിൾ കൈവശം വക്കുന്നത് മരണശിക്ഷ വരെ ലഭിക്കാവുന്ന കുറ്റമായിരുന്നു എന്നും മറക്കരുത്.  അതാണ്     'ദൈവ നിവേശിത  വിശുദ്ധ ഗ്രന്ഥം'  എന്ന് നിങ്ങൾ വിശേഷിപ്പിക്കുന്ന ബൈബിളിന്റെ  ചരിത്രം. അത് ദൈവീകഗ്രന്ഥം  എന്ന പുസ്തകത്തിൻറെ പോരായ്മയാണ്.  (അല്ലാന്ന് തെളിയിച്ചാൽ നിങ്ങൾ പറയുന്ന എന്ത് തീരുമാനവും ഉപാധികൾ ഇല്ലാതെ  സമ്മതിക്കുന്നതായിരിക്കും.)

വായിക്കുന്ന കാര്യങ്ങൾ മനസ്സിലായാലേ അതിലെ വൈരുധ്യങ്ങൾ തിരിച്ചറിയാനാകൂ. നൂറുകണക്കിന് വൈരുധ്യങ്ങൾ ബൈബിളിലുണ്ട്. ഉദാഹരണത്തിന്:   ബൈബിളിലെ ഭൂമി ദൈവം   "ചലിക്കാതെ അടിത്തറയിൽ" ഉറപ്പിച്ചിരിക്കുന്നതാണ് എന്നത് നിങ്ങളുടെ  ദൈവത്തിൻറെ യുക്തി:  

📕 - - Psalm 104:5

"കർത്താവ്  ഭൂമിയെ അതിന്റെ അടിസ്ഥാനത്തിന്മേലുറപ്പിച്ചു; അത് ഒരിക്കലും   ഇളകുകയില്ല." 

📕 - Psalm 96:10
"ലോകം സുസ്ഥാപിതമായിരിക്കുന്നു; അതിന് ഇളക്കം തട്ടുകയില്ല;"

📕 - 1 Chronicles 16:30
"കർത്താവാണല്ലോ  ലോകത്തെ അചഞ്ചലമായി ഉറപ്പിച്ചത്."

അല്ല ഈ രാത്രിയും പകലും ഉണ്ടാകുന്നത് എങ്ങനാന്നാ പറഞ്ഞേ... പിന്നെ എങ്ങനെയാണ് ഭൂമികുലുക്കം ഉണ്ടാകുന്നത് എന്ന് മാത്രം ആരും ചോദിക്കരുത്.

"ഭൂമി കറങ്ങുന്നു" എന്ന് പറഞ്ഞതിനായിരുന്നല്ലോ സഭ പണ്ട്   ഗലീലിയോയെ വിചാരണ ചെയ്ത് ശിക്ഷച്ചത് എന്നൊർക്കുമ്പളാ...

ഇതുപോലെ എത്രയോ കൃത്യമായ,   യുക്തിപരമായ, ലോജിക്കലായ  മണ്ടത്തരങ്ങൾ സർവ്വജ്ഞാനിയായ ദൈവം വെളിപ്പെയുത്തിയ  ദൈവവചനമെന്ന് വിശേഷിക്കപ്പെടുന്ന ബൈബിളിലുണ്ട്. ബൈബിൾ  സത്യമാകുന്നത്  ഇതൊക്കെ കണ്ണും പൂട്ടി തൊണ്ടതൊടാതെ വിഴുങ്ങുന്നവർക്ക് മാത്രമാണ്.  

🔴 - ബൈബിളിൻറെ ദൈവീകത? 

- വട്ടപ്പൂജ്യം

കത്തോലിക്കാസഭ പ്രഖ്യാപിക്കുന്നതുവരെ  ആ പുസ്തകങ്ങൾ ഒന്നും  വിശുദ്ധമായിരുന്നില്ല, കൂടാതെ  അപ്പസ്തോലൻമാരാൽ അക്കാലത്ത് തന്നെ എഴുതപ്പെട്ടു എന്ന് പറയപ്പെടുന്ന,  ബൈബിളിൽ ഉൾപ്പെടുത്താത്ത   മാറ്റ് സുവിശേഷങ്ങളും  ഇപ്പോഴും കത്തോലിക്കാ സഭക്ക്  വിശുദ്ധമല്ല, കൂടാതെ നേരത്തെ ഉണ്ടായിരുന്ന  പുസ്തകങ്ങൾ ഇന്ന് ബൈബിളിൽ ഇല്ല  എന്നോർത്താൽമതി ഈ  അതിൻറെ  ദൈവീകത മനസ്സിലാക്കാൻ. (23)

🟡 - ബൈബിൾ 1500 വർഷംകൊണ്ട് എഴുതിയ പുസ്തകം 
❌ - നുണ

ബൈബിളിലെ ആദ്യത്തെ അഞ്ച് പുസ്തകങ്ങൾ മോശ എഴുതി എന്നതാണ് വിശ്വാസം. അപ്പോൾ മോശയുടെ കാലംമുതൽ, മോശ പത്ത് കൽപ്പനകൾ സ്വീകരിച്ച കാലം മുതൽ എഴുതി തുടങ്ങി എന്ന് കരുതാം, Bible Timeline (24)* പ്രകാരം കാലം കണക്കാക്കിയാൽ  BCE 1446 ൽ ആയിരുന്നു മോശ ദൈവത്തിൻറെ കയ്യിൽ നിന്നും കൽപ്പനകൾ സ്വീകരിച്ചത് എന്ന് കാണാം. 

പിന്നീട് യേശുവിന് ശേഷം  ആദ്യത്തെ 400 വർഷക്കാലം ബൈബിൾ ഉണ്ടായിരുന്നില്ല   എന്നുകൂടി പറയുന്നു.  അപ്പോൾ ബൈബിൾ ഉണ്ടായിട്ട് എത്ര കാലമായി  മാഷേ? എന്തരോ ഏതോ.... ബൈബിൾ എന്ന് മുതൽ എഴുതാൻ തുടങ്ങി, എന്ന് അവസാനിച്ചു എന്നുകൂടി പറഞ്ഞിരുന്നെങ്കിൽ കൊള്ളാമായിരുന്നു. ശരിക്കും ബൈബിൾ എന്നതുകൊണ്ട് ടിയാൻ അർത്ഥമാക്കുന്നത് എന്താണാവോ... 

🔴 - ഭാഷ : 

BC 1400 മുതൽ   AD 100 വരെയുള്ള  1500 വർഷങ്ങൾകൊണ്ടാണ്  ബൈബിൾ എഴുതിയതെന്നാണ്  ഇവരയുടെ അവകാശ  വാദം.  കാരണം അങ്ങനെ പറഞ്ഞാലേ ബൈബിൾ ഒരു ചരിത്ര ഗ്രന്ഥമാണെന്ന് പറയുന്ന തള്ളലിന് ബലമുണ്ടാവുകയുള്ളൂ.  ഇങ്ങനെ തള്ളുന്നവർ ഓർക്കാത്ത ഒരു സത്യമാണ് ഭാഷ, ഏതൊരു ഭാഷക്കും ഒരു ചരിത്രമുണ്ട്: 

- ഒരു സമൂഹം രൂപപ്പെടുന്നു 

- ഒരു സംസാരരീതി  ഉത്ഭവിക്കുന്നു 
- പിന്നീട് ആ ഭാഷക്ക് ലിപികൾ ഉണ്ടാകുന്നു 

- ആ ഭാഷയിൽ  സാഹിത്യ സൃഷ്ടികൾ രൂപപ്പെടുന്നു.... 

ഇതിനൊക്കെ റൂറ്റാണ്ടുകൾ ആവശ്യമാണ്. ഒറ്റ  ദിവസംകൊണ്ട്  ഉണ്ടായതല്ല ലോകത്തെ ഒരു ഭാഷയും എന്ന് മാത്രമല്ല,  ഇന്നും  ലോകത്ത്  ലിപിയും എഴുത്തും ഇല്ലാത്ത ആയിരക്കണക്കിന് ഭാഷകളുണ്ട് എന്നോർക്കണം....  ഇന്ത്യയുടെ ഭാഗമായ  നോർത്ത് സെന്റിനെൽ  ദ്വീപ് സമൂഹങ്ങളിലെ മനുഷ്യരുടെ സംസാരരീതി ലോകത്ത് മറ്റൊരാൾക്കും ഇന്നും അറിയില്ല എന്നോർക്കുക. 

ചുരുക്കി പറഞ്ഞാൽ ഭാഷ മനുഷ്യ നിർമ്മിതമാണ്. ബൈബിൾകഥ പ്രകാരം ഭൂമുഖത്ത്  മനുഷ്യർ ഇല്ലാതിരുന്നസമയം  ആകാശവും ഭൂമിയും സൃഷ്ടിച്ച ദൈവം പോലും  "ഉണ്ടാകട്ടെ" എന്ന് പറഞ്ഞത്  മനുഷ്യ നിർമ്മിത ഭാഷയിലായിരുന്നു എന്നതാണ് ഉല്പത്തി പുസ്തകത്തിലെ ആദ്യത്തെ  കോമഡി.  പിന്നീട് ലോകത്തിലെ ആദ്യത്തെ മനുഷ്യൻ ആദം എല്ലാ മൃഗങ്ങൾക്കും പക്ഷികൾക്കും പേരിട്ടു എന്നും, അത് ഹീബ്രുവിൽ ആയിരുന്നു എന്നും വിശ്വസിക്കുന്നവരാണ് ഇക്കൂട്ടർ.

1400ൽ ഇല്ലാത്ത ഹീബ്രു ഭാഷയിൽ  മോശ ഒരിക്കലും  പഞ്ചഗ്രന്ഥികൾ  എഴുതാൻ സാധ്യതയില്ല,  അല്ലെങ്കിൽ   ഈജിപ്തിൽ ജനിച്ചുവളർന്ന    മോശക്ക് അറിയാമായിരുന്ന ഈജിപ്ത് ഭാഷയിൽ  (Hieroglyph) (25) ആകുമായിരുന്നു  ബൈബിൾ എഴുതുക. 

ബൈബിൾ പഴയനിയമം ഭൂരിഭാഗം പുസ്തകങ്ങളും ഹീബ്രുവിലും ചിലത് അരമായ ഭാഷയിലുമാണ് എഴുതിയിരിക്കുന്നത്  എന്നാണ് ബൈബിൾ പണ്ഡിതരുടെ  അഭിപ്രായം. പക്ഷെ  BCE 1400-ൽ ബൈബിൾ എഴുതണമെങ്കിൽ,  അതിനും എത്രയോ  മുൻപേ ഹീബ്രു ഭാഷ  അഭിവൃദ്ധിപ്പെട്ടിരിക്കണം.  അക്കാലത്ത് ഹീബ്രു ഭാഷ ഉണ്ടായിരുന്നോ? 

📕 - [Hebrews 11:1]

വിശ്വാസം എന്നത്: "പ്രത്യാശിക്കുന്നവ ലഭിക്കുമെന്ന ഉറപ്പും, കാണപ്പെടാത്തവ ഉണ്ട് എന്ന ബോധ്യവുമാണ്."  സത്യമായത് എന്തോ അതല്ല വിശ്വാസം.തങ്ങൾ വിശ്വസിക്കുന്നത് എന്തോ അത് മാത്രമാണ്  സത്യമെന്ന്  സ്വയം ഉറപ്പിക്കുന്നതും, അതല്ലാതെ വേറെ ഒന്നും  ഇല്ലെന്നും, സത്യം മറ്റൊന്നാണെങ്കില്‍പോലും അതിനെ അംഗീകരിക്കാന്‍ കഴിയാത്ത ഒരു അവസ്ഥയും കൂടിയാണ് വിശ്വാസം. 

 തുടരും... 

=========================================

01 - http://www.scborromeo.org/ccc/para/105.htm#

02 - https://www.vatican.va/archive/ENG0015/__PT.HTM

03 - https://www.historyofinformation.com/detail.php?id=2779

04 - https://www.bl.uk/collection-items/the-diamond-sutra

05 - https://en.wikipedia.org/wiki/Diamond_Sutra

06 - https://www.unesco.org/en/prizes/jikji

07 - https://www.bnf.fr/en/jikji-treasure-world-printing

08 - https://www.historyofinformation.com/detail.php?id=2779

09 - https://en.wikipedia.org/wiki/Jikji

10 - https://www.bl.uk/treasures/gutenberg/donatus.html

11 - https://www.bl.uk/collection-items/gutenberg-bible

12 - https://www.history.com/news/7-things-you-may-not-know-about-the-gutenberg-bible

13 - https://www.codexsinaiticus.org/en/

14 - https://en.wikipedia.org/wiki/Gutenberg_Bible

15 - https://www.earlychristianwritings.com/index.html

16 - https://www.newadvent.org/cathen/04085a.htm

17 - https://www.britannica.com/topic/Peshitta

18 - https://en.wikipedia.org/wiki/Peshitta

19 - https://www.septuagint.bible/home

20 - http://www.vetuslatina.org/

21 - https://vulgate.org/

22 - https://www.studylight.org/bible/lat/jvl/mark/16.html

23 - https://www.earlychristianwritings.com/index.html

24 - https://biblehub.com/timeline/

25 - https://www.britannica.com/topic/hieroglyph

Video  Courtesy - https://www.youtube.com/c/FRDANIELPOOVANNATHIL

മറിയത്തിൻറെ രൗദ്ര ഭാവം

കൊളംബിയ V/s മറിയം 

അമേരിക്കയുടെ തലസ്ഥാനമായ  വാഷിങ്ടൺ, ഡി.സി യിലെ  Capitol Hill എന്നറിയപ്പെടുന്ന ഒരു ചെറുകുന്നിൽ സ്ഥിതി ചെയ്യുന്ന യുണൈറ്റഡ് സ്റ്റേറ്റ്‌സ്‌ കാപിറ്റോൾ (United States Capitol) എന്നും,  കാപിറ്റോൾ മന്ദിരം (Capitol Building) എന്നും അറിയപ്പെടുന്ന ഈ  അതിവിശാല സൗധമാണ്  അമേരിക്കൻ ഐക്യനാടുകളുടെ പാർലിമെന്റ് മന്ദിരം. 

1863ൽ പണിതീർന്ന കാപിറ്റോൾ മന്ദിരത്തിൻറെ തറനിരപ്പിൽ  നിന്നും 55 മീറ്റർ ഉയത്തിലുള്ള ഇതിന്റെ കുംഭഗോപുരത്തിന്റെ  (താഴികക്കുടം) ഉൾഭാഗം ചിത്രപ്പണികൾകൊണ്ട് അലങ്കരിച്ചത് Constantino Brumidi എന്ന ഇറ്റാലിയൻ ചിത്രകാരനായിരുന്നു. 

ഈ ചുവർചിത്രത്തിൽ അമേരിക്കയുടെ ആദ്യത്തെ പ്രസിഡൻറ് ജോർജ്ജ് വാഷിങ്ടണിനെ ചിത്രീകരിച്ചിരിക്കുന്നത്:  പുരാതന റോമൻ മതത്തിലെ യുദ്ധ വിജയങ്ങളുടെ ദേവത വിക്ടോറിയ (Victoria) ഇടതുഭാഗത്തും,  സ്വാതന്ത്ര്യത്തിന്റെ ദേവത  Liberty  ((Latin - Libertas) വലതുഭാഗം ചേർന്ന് സ്വർഗാരോപിതനായിരിക്കുന്ന അവസ്ഥയിലാണ്. അതുകൊണ്ട്തന്നെ ഈ ചിത്രത്തെ  The Apotheosis of Washington എന്നാണ് അറിയപ്പെടുന്നത്.

War -  Science -  Marine -  Commerce -  Mechanics - Agriculture -എന്നിങ്ങനെ  ആറുഭാഗങ്ങളായി തിരിച്ചിരിക്കുന്നു വിശാലമായ ഈ ചുവർചിത്രത്തിൽ വാഷിങ്ങ്ടണിന് താഴെയായി യുദ്ധങ്ങളുടെ ഭാഗത്ത് അമേരിക്കയുടെ മനുഷ്യാവതാരമായ കൊളംബിയ  (Columbia) എന്ന ദേവതയെയാണ്  ചിത്രീകരിച്ചിരിക്കുന്നത്. അമേരിക്ക കണ്ടുപിടിച്ച ഇറ്റാലിയൻ നാവികൻ കൊളംബസിനോടുള്ള  (Cristoforo Colombo) ബഹുമാനാർത്ഥം കൊളംബിയ എന്നായിരുന്നു ആദ്യകാലങ്ങളിൽ അമേരിക്ക അറിയപ്പെട്ടിരുന്നത്.

അമേരിക്കൻ  പതാകയുടെ പുറംചട്ടയോടു കൂടിയ രക്ഷാകവചവും, വാളും, ഹെൽമറ്റും ധരിച്ച് സ്വാതന്ത്ര്യത്തിന് വേണ്ടി പൊരുതുന്നതായിട്ടാണ് കൊളംബിയയെ ചിത്രീകരിച്ചിരിക്കുന്നത്. സ്വേച്ഛാധിപത്യത്തേയും, രാജാധിപത്യത്തേയും ചവിട്ടിയരച്ച് മുന്നേറുന്ന കൊളംബിയയുടെ കൂടെ  അമ്പുകളുമായി അമേരിക്കൻ ഐക്യനാടുകളുടെ ദേശീയ പക്ഷിയായ വെള്ളത്തലയൻ കടൽപ്പരുന്തിനേയും ചിത്രത്തിൽ കാണാം. 

courtesy 

"വിജാതിയരുടെ ആചാരങ്ങൾ  അനുകരിക്കരുത്" [നിയമാവർ ത്തനം, 18:9] എന്ന് ദൈവം വിലക്കിയിട്ടും,  അടിച്ചുമാറ്റാത്തതായി ആഗോളകത്തോലിക്കാ സാഭയിൽ ഒന്നുപോലുമില്ല എന്ന സത്യം നിലനിൽക്കുമ്പോൾ, കേരള കത്തോലിക്കാ സഭ എന്തിനു മടിക്കണം അല്ലേ?

🔶 ബലി - ദിവ്യബലി

🔶 പൂജ - ദിവ്യപൂജ

🔶 ശയനപദക്ഷിണം - ഉരുൾനേർച്ച

🔶 ദീപാരാധന - ദീപക്കാഴ്ച

🔶 പൂർണ്ണകുംഭം

🔶 ആരതി

🔶 വെടിവഴിപാട് - വെടിനേർച്ച

🔶 ധ്വജസ്തംഭം - കൊടിമരം (കൊടിയേറ്റം)

🔶 ചോറൂട്ട്

🔶 തുലാഭാരം

🔶 എഴുത്തിനിരുത്ത്

അങ്ങനെ എന്തെല്ലാം....

കാവിയുടുത്ത്, കുങ്കുമം ചാർത്തിയും കുർബാന നടത്താം

ഉരുൾ നേർച്ച (ശയനപ്രദക്ഷിണം) തങ്കിപള്ളി, ആലപ്പുഴ

ദീപകാഴ്ച (ദീപാരാധന)  പൂങ്കാവ് പള്ളി, ആലപുഴ

കൊരട്ടി പള്ളിയിലെ   തുലാഭാരം

എഴുത്തിനിരുത്ത്‌

ചോറൂട്ട്‌

പൂർണ്ണകുംഭം

ആരതി

ഓണാകുർബാനക്ക്  വൈദീകരെ ചന്ദനം ചാർത്തുന്നു 

ഓണ കുർബാന 

വിഷുക്കണി 

 മേരി ലക്ഷ്മീ

പൂരമല്ല, പെരുന്നാളാണ് 

courtesy to the image 

കൊടിമരം 

എന്ത് നുണപറഞ്ഞാലും ആലപ്പുഴയിലെ കുഞ്ഞാടുകൾ വിശ്വസിക്കും എന്നിരിക്കെ പെട്ടിയിൽ കാശ് നിറക്കാൻ യാതൊരു ഉളുപ്പുമില്ലാതെ ഉഡായിപ്പുകൾ കാണിക്കുന്ന ആസനം ജോസഫ് നീണാൾ വാഴട്ടെ!

ഇനി അതല്ല, പരിശുദ്ധ അമ്മയുടെ രൗദ്രഭാവം എന്ന് പറഞ്ഞ് ഭരതമുനിയുടെ നാട്യശാസ്ത്രത്തിൽ പ്രതിപാദിച്ചിരിക്കുന്ന നവരസങ്ങൾ അടിച്ചുമാറ്റി മറിയത്തിന് ചാർത്തിക്കൊടുക്കാനാണ് പരിപാടിയെങ്കിൽ രൗദ്രത്തിൽ മാത്രം നിറുത്തരുത് എന്നാണ് എന്റെയൊരു ഇത്. മറിയത്തിന്റെ ശൃംഗാരവും, ഹാസ്യവും വരുന്നതും കാത്ത്....

http://mal.kreupasanammarianshrine.com/marian_message/more/185

Sr Kripa Kochuvemballil HF

 2021 April  27 

സിസ്റ്റർ കൃപ കൊച്ചുവെമ്പള്ളിൽ (48) 

ഹോളിഫാമിലി സഭാ

കൊട്ടിയൂർ പാൽച്ചുരം സ്വദേശി

മഹാരാഷ്ട്രയിലെ ആഗ്രയിൽ കോവിഡ് ബാധിച്ച്‌ മരിച്ചു.

https://www.facebook.com/MalayoraShabdam/posts/1080925895730310

S.I ചെമ്പൻ

 തോമസേട്ടനും S I ചെമ്പനും കണ്ടു മുട്ടിയപ്പോൾ

🔹 - എന്താ തന്റ്റെ പേര്?
🔸 - തോമസ് 

🔹 - ഉം, ആകാശവും ഭൂമിയും സൃഷ്ടിച്ചത് ആരാന്നാ പറഞ്ഞെ?
🔸 - അത് ദൈവം തന്നെ 

🔹 - അത് തനിക്കു എങ്ങനെ അറിയാ? 
🔸 - അത് ബൈബിളിലുണ്ട്

🔹 - എടൊ ബൈബിൾ എഴുതിയത് മനുഷ്യരല്ലേ?
🔸 - അതെ

🔹 - അപ്പോൾ അങ്ങനെ പറഞ്ഞത് മനുഷ്യരല്ലേ?
🔸 - അല്ല അത് ദൈവം തന്നെ! 

🔹 - ഉം! ഇത് ഒരു നടക്ക് പോകൂല്ല! 
... അതുപോട്ടെ! 

🔹 - തോമാസേട്ടൻ   ബൈബിള്‍ വായിച്ചിട്ടുണ്ടോ? 
🔸 - ഉവ്വ, അത് മൂന്നാല് വട്ടം വായിച്ചിട്ടുണ്ട്.

🔹 - ദൈവം ഉണ്ടെന്ന്  ബൈബിളിലല്ലേ താന്‍  വായിച്ചത് ?
🔸 - അതെ

🔹 - അത് എഴുതിയത് മനുഷ്യര അല്ലെ? 
🔸 - അതെ

🔹 - അപ്പോള്‍ ദൈവം ഉണ്ടെന്നു പറഞ്ഞത് മനുഷ്യരല്ലെ?
🔸 - അല്ല അത് ദൈവം തന്നെ!

🔹 - എടൊ താന്‍ എന്ത് ഊളത്തരമാടോ ഈ പറയണത്?
... 
🔹 - എടൊ! താന്‍ ബൈബിള്‍ വായിച്ചപ്പോള്‍...  അതില്‍ എഴുതിരിക്കുന്നത് കൊണ്ടല്ലേ  ദൈവം ഉണ്ടെന്നും, എല്ലാം സൃഷ്ടിച്ചത് ദൈവമാണെന്നും തനിക്കു മനസ്സിലായത്‌. 
🔸 - ഉം!

🔹 - ആ! അപ്പോള്‍ അത് എഴുതിയ മനുഷ്യരല്ലേ അങ്ങനെ പറഞ്ഞത്?
🔸 - അല്ല അത് ദൈവം തന്നെ!
$%^&|"{]}....

🔹 - ഉം, എന്നട്ട്.... എന്നട്ട്...എന്നട്ട്....
🔸 - എന്നട്ടെന്താ, ദൈവം പോയി!

ബൈബിൾ സംശയങ്ങൾ!

പ്രാർത്ഥനയുടെ ശക്തി

🔴 യേശു പറഞ്ഞു: "വിശ്വാസത്തോടെ പ്രാർത്ഥിക്കുന്നതെല്ലാം നിങ്ങൾക്കു ലഭിക്കും.”

[മത്തായി, 21:22]

🔴 യേശു പറഞ്ഞു: "പ്രാർത്ഥിക്കുകയും, യാചിക്കുകയുംചെയ്യുന്ന എന്തും ലഭിക്കുമെന്നു വിശ്വസിക്കുവിൻ; നിങ്ങൾക്കു ലഭിക്കുകതന്നെ ചെയ്യും" [മർക്കോസ്, 11:24]

🔴 " ചോദിക്കുവിൻ , നിങ്ങൾക്കു ലഭിക്കും; അന്വേഷിക്കുവിൻ, നിങ്ങൾ കണ്ടെത്തും; മുട്ടുവിൻ, നിങ്ങൾക്കു തുറന്നുകിട്ടും" - യേശു [മത്തായി, 7:7]

ഇതെല്ലാം കഴിഞ്ഞു യേശു ഗത്‌സേമനിയിൽ ദൈവത്തോട് പ്രാർത്ഥിക്കുന്നു: "39 : യേശു അൽപദൂരം മുന്നോട്ടു ചെന്ന് കമിഴ്ന്നു വീണു പ്രാർത്ഥിച്ചു: എന്റെ പിതാവേ, സാധ്യമെങ്കിൽ ഈ പാനപാത്രം എന്നിൽ നിന്നകന്നുപോകട്ടെ. എങ്കിലും എന്റെ ഹിതംപോലെയല്ല; അവിടുത്തെ ഹിതംപോലെയാകട്ടെ. 42 : രണ്ടാം പ്രാവശ്യവും യേശു പോയി പ്രാർത്ഥിച്ചു: എന്റെ പിതാവേ, ഞാൻ കുടിക്കാതെ ഇതു കടന്നുപോകയില്ലെങ്കിൽ അങ്ങയുടെ ഹിതം നിറവേറട്ടെ! 44 : യേശു അവരെവിട്ടു മൂന്നാം പ്രാവശ്യവും പോയി അതേ പ്രാർത്ഥന ആവർത്തിച്ചു. [മത്തായി, 26:39-44] 

യേശു മുട്ടിപ്പായി പ്രാർത്ഥിച്ചു! ദൈവം പ്രാർത്ഥന കേട്ടില്ല അവസാനം കുരിശിൽ കിടന്നു ദൈവത്തോട് ചോദിച്ചത്: "എന്റെ ദൈവമേ, എന്റെ ദൈവമേ, എന്തുകൊണ്ടു നീ എന്നെ ഉപേക്ഷിച്ചു?" [മത്തായി, 28: 46] എന്നായിരുന്നു. 

ഇനി എന്തുകൊണ്ടായിരിക്കും യേശുവിന്റെ പ്രാർത്ഥന ദൈവം കേൾക്കാതിരുന്നത്?
അതിനുള്ള മറുപടി യേശു തന്നെ പറയുന്നുണ്ട്:
“ദൈവം പാപികളുടെ പ്രാർത്ഥന കേൾക്കുകയില്ല ” [യോഹന്നാൻ, 9:31]
പ്ലിങ് !
🔶 തന്റെ പ്രാർത്ഥന ദൈവം കേൾക്കില്ലെന്ന് യേശുവിന് നേരത്തേ അറിയാമായിരുന്നു.
🔹 എങ്കിൽ യേശു എന്തിനു പ്രാർത്ഥിച്ചു?
🔶 തന്റെ പ്രാർത്ഥന ദൈവം കേൾക്കില്ലെന്ന് യേശുവിന് നേരത്തേ അറിയില്ലായിരുന്നു!
🔹 അത്കൊണ്ടാണ് അവസാനം: "എന്തിന് എന്നെ ഉപേക്ഷിച്ചു എന്ന് കുരിശിൽ കിടന്ന് കരഞ്ഞത്."
ദൈവപുത്രനായ യേശുവിന്റെ പ്രാർത്ഥന പോലും ദൈവം കേട്ടില്ല, പിന്നെ എങ്ങനെ കുഞ്ഞാടുകളുടെ പ്രാർത്ഥന ദൈവം കേൾക്കും?
പ്രാർത്ഥിച്ചാൽ ദൈവം കേൾക്കില്ലെന്നാണ് യേശുവിന്റെ ജീവിതാനുഭവം വ്യക്തമാക്കുന്നത്.
അല്ലെങ്കിൽ യേശു പ്രാർത്ഥിച്ചത് വിശ്വാസത്തോടെ ആയിരുന്നില്ല എന്ന് വേണം മനസ്സിലാക്കാൻ.
ബൈബിൾ വൈരുധ്യങ്ങൾ 
 

ബൈബിൾ വൈരുധ്യങ്ങൾ: വധ ശിക്ഷ

യേശുവിന്റെ അറസ്റ്റിനു ശേഷം പീലാത്തോസും യഹൂദ പ്രമാണിമാരും തമ്മിലുള്ള സംഭാഷണം:

യഹൂദരുടെ ആദ്യ പ്രതികരണം:

"പീലാത്തോസ് പറഞ്ഞു: നിങ്ങൾതന്നെ അവനെ കൊണ്ടുപോയി നിങ്ങളുടെ നിയമമനുസരിച്ചു വിധിച്ചുകൊള്ളുവിൻ. അപ്പോൾ യഹൂദർ പറഞ്ഞു: ആരെയും വധിക്കുന്നതിന് നിയമം ഞങ്ങളെ അനുവദിക്കുന്നില്ല. [യോഹന്നാ‌ൻ, 18: 31]

പിന്നീട് പറയുന്നത് :

"യേശുവിനെ കണ്ടപ്പോൾ പുരോഹിത പ്രമുഖൻമാരും സേവകരും വിളിച്ചുപറഞ്ഞു: അവനെ ക്രൂശിക്കുക! അവനെ ക്രൂശിക്കുക! പീലാത്തോസ് പറഞ്ഞു: നിങ്ങൾതന്നെ അവനെ കൊണ്ടുപോയി ക്രൂശിച്ചുകൊള്ളുവിൻ. യഹൂദർ പറഞ്ഞു: ഞങ്ങൾക്കൊരു നിയമമുണ്ട്. ആ നിയമമനുസരിച്ച് ഇവൻ മരിക്കണം. കാരണം, ഇവൻ തന്നെത്തന്നെ ദൈവപുത്രനാക്കിയിരിക്കുന്നു." [യോഹന്നാ‌ൻ, 19: 6-7]

സ്നേഹനിധിയായ ദൈവം നൽകിയിട്ടുള്ള ചില യഹൂദ മത നിയമങ്ങൾ നോക്കാം:

"കർത്താവിനു മാത്രമല്ലാതെ മറ്റു ദേവൻമാർക്കു ബലിയർപ്പിക്കുന്നവനെ നിശ്ശേഷം നശിപ്പിക്കണം." [പുറപ്പാട്, 22:20]

"പിതാവിനെയോ മാതാവിനെയോ അടിക്കുന്നവൻ വധിക്കപ്പെടണം." [പുറപ്പാട്, 21:16]

"ഒരുവനു ദുർവാശിക്കാരനും, ധിക്കാരിയും, മാതാപിതാക്കൻമാരുടെ വാക്കു കേൾക്കുകയോ ശിക്ഷിച്ചാൽപ്പോലും അവരെ അനുസരിക്കുകയോ ചെയ്യാത്തവനെ കല്ലെറിഞ്ഞു കൊല്ലണം." 

[നിയമാവർത്തനം, 21:18 -21]

"മന്ത്രവാദികളോ കൂടോത്രക്കാരോ ആയ സ്ത്രീപുരുഷൻമാർ മരണശിക്ഷ അനുഭവിക്കണം. അവരെ കല്ലെറിഞ്ഞു കൊല്ലണം." [ലേവ്യർ 20:27]

"സ്വദേശിയോ വിദേശിയോ ആകട്ടെ കർത്താവിന്റെ നാമം ദുഷിക്കുന്ന ഏവനും വധിക്കപ്പെടണം." [ലേവ്യർ, 24:16]

 "സാബത്ത് ദിവസം വിറക് ശേഖരിച്ച ഒരു മനുഷ്യരെ കല്ലെറിഞ്ഞു കൊല്ലാൻ ദൈവം വിധിച്ചു." [സംഖ്യ, 15:32-36]

" വിവാഹം ചെയ്തുകൊടുത്ത യുവതിയിൽ കന്യാത്വത്തിന്റെ അടയാളം കണ്ടില്ലെങ്കിൽ അവളെ കല്ലെറിഞ്ഞു കൊല്ലണം." [നിയമാവർത്തനം, 20:20:21]

യഹൂദ മതനിയമം അനുസരിച്ച് ഒരാളെ കൊല്ലാനുള്ള ചില കാരണങ്ങൾ മാത്രമാണിത്! അപ്പോൾ: "ആരെയും വധിക്കാൻ നിയമം ഞങ്ങളെ അനുവദിക്കുന്നില്ല" എന്ന് ആദ്യം പറഞ്ഞത്: നുണയോ, അറിവില്ലായ്മയോ?

അല്ലെങ്കിൽ, യോഹന്നാൻ സുബോധത്തോടെ എഴുതിയതല്ല ഈ ഭാഗം എന്ന് വേണം മനസ്സിലാക്കാൻ. ഇതൊക്കെ ജീവനുള്ള ദൈവം പറഞ്ഞുകൊടുത്ത് എഴുതിച്ചതാണ് എന്നൊക്കെ പറയുമ്പളാ .....

ബൈബിൾ വൈരുധ്യങ്ങൾ 

യേശു പഠിപ്പിച്ച പ്രാർത്ഥന

🔷 "അന്നന്ന് വേണ്ടുന്ന ആഹാരം എന്നും ഞങ്ങൾക്ക് നൽകണമേ" [മത്തായി, 6:11 ] [ലൂക്കാ 11:3 ]

അപ്പോൾ പ്രാർത്ഥിക്കുന്നവർക്ക് ഭക്ഷണം കിട്ടാതിരിക്കില്ല എന്ന് സാരം. 

പക്ഷേ...... മരുഭൂമിയിൽ വച്ച് യേശുവിന്‌ വിശന്നപ്പോൾ ആഹാരം കിട്ടിയില്ല, അപ്പോൾ ഡയലോഗടിച്ചു:

🔷 "യേശു പറഞ്ഞു: അപ്പംകൊണ്ടു മാത്രമല്ല, മനുഷ്യൻ ജീവിക്കുന്നത്" [ലൂക്കാ, 4:4] [മത്തായി, 4:4] 'കിട്ടാത്ത മുന്തിരി പുളിക്കും' എന്നാണല്ലോ! ഇങ്ങനെ പറഞ്ഞ ആളാ..... 

🔷 "പ്രഭാതത്തിൽ നഗരത്തിലേക്കു പോകു മ്പോൾ യേശുവിന് വിശന്നു. വഴിയരികിൽ ഒരു അത്തിവൃക്ഷം കണ്ട് അവൻ അതിന്റെ അടുത്തെത്തി. എന്നാൽ , അതിൽ ഇലകളല്ലാതെ ഒന്നും കണ്ടില്ല. അവൻ അതിനോടു പറഞ്ഞു: ഇനി ഒരിക്കലും നിന്നിൽ ഫലങ്ങളുണ്ടാകാതിരിക്കട്ടെ. ആ നിമിഷം തന്നെ ആ അത്തിവൃക്ഷം ഉണങ്ങിപ്പോയി." [മത്തായി, 21:18–19 ] [ മാർക്കോസ്,11:12–14 ]

അടിപൊളി! 

🔷 "യേശു പിശാചിനാൽ പരീക്ഷിക്കപ്പെട്ട് 40 ദിവസം മരുഭൂമിയിൽ കഴിഞ്ഞുകൂടി. ആ ദിവസങ്ങളിൽ അവൻ ഒന്നും ഭക്ഷിച്ചില്ല." [ ലൂക്കാ, 4:2 ]

വിശ്വസിക്കാവുന്ന വാക്കുകൾ തന്നെ! 

വിശന്നാൽ സുബോധം നഷ്ടപ്പെട്ട് ഭ്രാന്ത് വരുന്ന ഇയ്യാളെങ്ങനെ 40 ദിവസം മരുഭൂമിയിൽ ഭക്ഷണം കഴിക്കാതിരുന്നു എന്നാണ് എന്റ്റെ ഒരു ഇത്! 

🔹 മിസ്റ്റർ ദൈവം, ഒന്നുകിൽ പ്രാർത്ഥിച്ചാൽ ഫലം ലഭിക്കണം, ഇല്ലെങ്കിൽ ഇങ്ങെനെയൊക്കെ പ്രാർത്ഥിച്ചാലും ഒരു ഫലവും ഉണ്ടാകില്ല എന്ന് വ്യതമായി പറയണം. അല്ലെങ്കിൽ പിന്നെ എന്ത് കോപ്പിനാ ഇങ്ങനെ പ്രാർത്ഥിക്കുന്നത്?

ബൈബിൾ വൈരുധ്യങ്ങൾ 

യേശു: വിധിക്കും - വിധിക്കില്ല

യേശു മനുഷ്യരെ വിധിക്കുമോ എന്ന ചോദ്യത്തിന് വളരെ  രസകരമായ ഉത്തരങ്ങളാണ് ബൈബിളിൽ നിന്നും ലഭിക്കുക !

❎ വിധിക്കില്ല : "ദൈവം തന്റെ പുത്രനെ ലോകത്തിലേക്കയച്ചത് ലോകത്തെ ശിക്ഷയ്ക്കു വിധിക്കാനല്ല. പ്രത്യുത, അവൻ വഴി ലോകം രക്ഷപ്രാപിക്കാനാണ്." [യോഹന്നാൻ, 3:17]

✅ വിധിക്കും : "പിതാവ് ആരെയും വിധിക്കുന്നില്ല; വിധി മുഴുവനും അവിടുന്നു പുത്രനെ ഏൽപിച്ചിരിക്കുന്നു." [യോഹന്നാൻ, 5:22 ]

✅ വിധിക്കും : "വിധിക്കാനുള്ള അധികാരവും പുത്രൻ നൽ‍കിയിരിക്കുന്നു." [യോഹന്നാൻ, 5:27]

✅ വിധിക്കും:  "ഞാൻ ശ്രവിക്കുന്നതുപോലെ വിധിക്കുന്നു. എന്റെ വിധി നീതിപൂർവകവുമാണ്." [യോഹന്നാൻ, 5:30]

❎✅ വിധിക്കില്ല / വിധിക്കും : "ഞാൻ ആരെയും വിധിക്കുന്നില്ല. ഞാൻ വിധിക്കുന്നെങ്കിൽ‍ത്തന്നെ എന്റെ വിധി സത്യമാണ്;" [യോഹന്നാൻ, 8:15-16]

✅ വിധിക്കും:  "എനിക്കു നിങ്ങളെക്കുറിച്ചു പലതും പറയാനും വിധിക്കാനുമുണ്ട്." [യോഹന്നാൻ, 8:26 ]

✅ വിധിക്കും:   "ന്യായവിധിക്കായിട്ടാണു ഞാൻ ഈ ലോകത്തിലേക്കു വന്നത്." [യോഹന്നാൻ, 9:39]

❎ വിധിക്കില്ല 

" എന്റെ വാക്കുകൾ കേൾക്കുന്നവൻ അവ പാലിക്കുന്നില്ലെങ്കിലും ഞാൻ അവനെ വിധിക്കുന്നില്ല. കാരണം, ഞാൻ വന്നിരിക്കുന്നത് ലോകത്തെ വിധിക്കാനല്ല, രക്ഷിക്കാനാണ്." [ യോഹന്നാൻ,12: 47 ] 

ഇത് എനിക്ക് വട്ടായതോ....അതോ ദൈവത്തിന് തലയ്ക്കു വെളിവില്ലെ.....? 

എന്തരെങ്കിലും ഒരുകാര്യം ഉറപ്പിച്ചു പറയാമോ മിസ്റ്റർ ദൈവം!? 

ബൈബിൾ വൈരുധ്യങ്ങൾ

യേശുവിന്റെ ശിക്ഷ്യൻമ്മാർ

വെളിവില്ലെങ്കിൽ ദേ ദിങ്ങനിരിക്കും !

" നിങ്ങൾ പരസ്പരം സ്‌നേഹിക്കു വിൻ . ഞാൻ നിങ്ങളെ സ്‌നേഹിച്ചതുപോലെ നിങ്ങളും പരസ്പരം സ്‌നേഹിക്കുവിൻ . നിങ്ങൾക്കു പരസ്പരം സ്‌നേഹമുണ്ടെങ്കിൽ നിങ്ങൾ എന്റെ ശിഷ്യൻമാരാണെന്ന് അതുമൂലം എല്ലാവരും അറിയും." (യോഹന്നാൻ, 13:35 )

12 : ഞാൻ നിങ്ങളെ സ്‌നേഹിച്ചതുപോലെ നിങ്ങളും പരസ്പരം സ്‌നേഹിക്കണം. 13 : സ്‌നേഹിതർക്കുവേണ്ടി ജീവൻ അർപ്പിക്കുന്നതിനെക്കാൾ വലിയ സ്‌നേഹമില്ല. 14 : ഞാൻ നിങ്ങളോടു കൽപിക്കുന്നത് നിങ്ങൾ ചെയ്യുന്നെങ്കിൽ നിങ്ങൾ എന്റെ സ്‌നേഹിതരാണ്. (യോഹന്നാൻ, 15:12-14 )

" സ്വന്തം പിതാവിനെയും മാതാവിനെയും ഭാര്യയെയും മക്കളെയും സഹോദരൻ മാരെയും സഹോദരിമാരെയും എന്നല്ല, സ്വജീവനെത്തന്നെയും വെറുക്കാതെ എന്റെ അടുത്തുവരുന്ന ആർക്കും എന്റെ ശിഷ്യനായിരിക്കുവാൻ സാധിക്കുകയില്ല. (ലൂക്കാ, 14:26)

ഇതൊക്കെ കാണുമ്പഴാ ലെ സിൽമേല ഡയലോഗ് ഓർമ്മ വരുന്നത്: നീ ഇത് എന്ത് തേങ്ങയാടാ ഈ പറയുന്നത്?

ബൈബിൾ വൈരുധ്യങ്ങൾ
പുതിയ നിയമം

"ദൈവം ആത്മാവാണ്" - യേശു പറഞ്ഞ നുണകൾ!

🔶 " ദൈവം ആത്മാവാണ് " [ 'god is spirit' - യോഹന്നാൻ,  4:24 ] ഇത് ബൈബിളില്‍ [ദൈവ പുത്രനായ] യേശു സമരിയാക്കാരിയോട് പറയുന്നതാണ്. ഇവിടെ പുതിയ നിയമം എഴുതപെട്ട ഗ്രീക്ക് ഭാഷയില്‍ ഉപയോഗിച്ചിരിക്കുന്നത്: pneuma [ πνεῦμα ] എന്ന ഗ്രീക്ക് പദമാണ്, പഴയ ഗ്രീക്ക് ഭാഷയില്‍: ശ്വാസം , വായു, നിശ്വാസം, എന്നര്‍ത്ഥം.  പിന്നീട് ഇതിന്: ആത്മാവ്, അരൂപി എന്ന അർത്ഥത്തിൽ ഉപയോഗിക്കാൻ തുടങ്ങി, sprit = ശരീരം ഇല്ലാത്ത ഒന്ന് എന്നര്‍ത്ഥം. അപ്പോള്‍ യേശു പറഞ്ഞത് സത്യമാണോ എന്നറിയാന്‍ പഴയ നിയമത്തിലെ ദൈവത്തെ തിരഞ്ഞു പോകണം. പഴയ നിയമത്തില്‍ കാണുന്ന ദൈവം: ശരീരം ഉള്ള, മനുഷ്യ വര്‍ഗത്തില്‍ പെട്ട, ഇന്ദ്രിയങ്ങളും, വികാരങ്ങളും ഉള്ള, പുരുഷ ലിംഗമുള്ള ആളാണ്‌ എന്ന് കാണാം. ചുവടെ അതിനുള്ള തെളിവുകള്‍: 

🔴 ഇന്ദ്രിയങ്ങൾ ഉള്ള ദൈവം - ശരീരത്തിന്റെ പുറത്ത് നിന്നുള്ള വിവരങ്ങൾ തലച്ചോറിലെത്തിക്കുന്ന അവയവങ്ങളാണ്‌ [sensory systems] ഇന്ദ്രിയങ്ങള്‍.  

ദൈവം സംസാരിക്കും 

🔶 "ദൈവം അരുളിച്ചെയ്തു: വെളിച്ചം ഉണ്ടാകട്ടെ" [ഉല്‍പത്തി, 1:3]  

➡️ പഴയ നിയമം മുഴുവന്‍ സംസാരിക്കുന്ന ദൈവത്തെ കാണാം:
➡️ സംസാരിക്കുന്ന ഏക ജീവി മനുഷ്യനാണ്. 

➡️ സംസാരിക്കാന്‍ സ്വരനാളപാളി [vocal cords ] ആവശ്യമാണ്‌ 

➡️ അവയുടെ അഭാവമോ, പ്രവര്‍ത്തന രഹിതമായ അവസ്ഥയോ, ബധിരതയോ ഒരാളെ മൂകതയിലേക്ക് നയിക്കും 

➡️ സംസാരിക്കാന്‍ ഭാഷ അറിയണം 

➡️ ഭാഷ മനുഷ്യ നിര്‍മ്മിതമാണ് 

➡️ ശരീരമുള്ള, ജീവനുള്ള, സംസാരിക്കുന്ന ദൈവം എങ്ങനെ അരൂപിയാകും?

🔻 ദൈവത്തിന് കാഴ്ച ഉണ്ട്

🔶 "വെളിച്ചം നല്ലതെന്നു ദൈവം കണ്ടു" [ഉല്‍പത്തി, 1:4] 🔶 "കര്‍ത്താവു സ്വര്‍ഗത്തില്‍ നിന്നു താഴേക്കു നോക്കുന്നു; അവിടുന്ന് എല്ലാ മനുഷ്യരെയും കാണുന്നു." [സങ്കീര്‍ത്തനങ്ങള്‍  33:13] 

➡️ പഴയ നിയമം മുഴുവന്‍ കാഴ്ചയുള്ള ദൈവത്തെ കാണാം:
➡️ കാഴ്ചക്ക്: കൃഷ്ണമണി - റെറ്റിന എന്നിവ വേണം
➡️ അവയുടെ അഭാവമോ, അനുബന്ധ അസുഖങ്ങളോ അന്ധതയിലേക്ക് നയിക്കും 
➡️ കണ്ണുള്ള, കാഴ്ചയുള്ള, ദൈവം അന്ധനും അരൂപിയുമല്ല.

🔻 ദൈവത്തിന് കാലുകളുണ്ട്

🔶  "വെയിലാറിയപ്പോള്‍ ദൈവമായ കര്‍ത്താവു തോട്ടത്തില്‍ ഉലാത്തുന്നതിന്റെ ശബ്ദം അവര്‍ കേട്ടു." [ഉല്‍പത്തി, 3:8]

➡️ നടക്കാന്‍ കാലുകള്‍ വേണം

➡️ നടക്കുന്ന ദൈവത്തിന് കാലുകളുണ്ട്

➡️ കാലുള്ള ദൈവം അരൂപിയല്ല

🔻 ദൈവത്തിന് കൈകള്‍ ഉണ്ട്

🔶   "ദൈവമായ കര്‍ത്താവ് തോലുകൊണ്ട് ഉടയാടയുണ്ടാക്കി" [ഉല്‍പത്തി, 3:21] "ഞാന്‍ അവനു പിതാവും അവന്‍ എനിക്കു പുത്രനും ആയിരിക്കും. അവന്‍ തെറ്റു ചെയ്യുമ്പോള്‍ മാനുഷികമായ ദണ്‍ഡും ചമ്മട്ടിയുമുപയോഗിച്ച് ഞാന്‍ അവനെ ശിക്ഷിക്കും." [2 സാമുവല്‍, 7:14] "ഞാന്‍ കടന്നുപോകുമ്പോള്‍ എന്റെ കൈകൊണ്ടു നിന്നെ മറയ്ക്കും. അതിനുശേഷം ഞാന്‍ കൈ മാറ്റും." [പുറപ്പാട് , 33:22]   

➡️ പത്ത് കല്‍പ്പനകള്‍ എഴുതിയ ദൈവം

 "കര്‍ത്താവു മോശയോട് അരുളിച്ചെയ്തു: ഞാന്‍ നിയമങ്ങളും കല്‍പനകളും എഴുതിയ കല്‍പലകകള്‍ നിനക്കു തരാം" [പുറപ്പാട്, 24:12] "സീനായ് മലയില്‍ വച്ചു മോശയോടു സംസാരിച്ചതിനുശേഷം ഉടമ്പടിയുടെ രണ്ടു പ്രതികള്‍ - തന്റെ വിരല്‍കൊണ്ടെഴുതിയ രണ്ടു കല്‍പലകകള്‍ - ദൈവം അവനു നല്‍കി." [പുറപ്പാട്, 31:18] "പലകകള്‍ ദൈവത്തിന്റെ കൈവേലയും അവയില്‍ കൊത്തിയിരുന്നത് അവിടുത്തെ കൈയെഴുത്തുമായിരുന്നു." [പുറപ്പാട്, 32:16] " കര്‍ത്താവു മോശയോട് അരുളിച്ചെയ്തു: ആദ്യത്തേതുപോലുള്ള രണ്ടു കല്‍പലക ചെത്തിയെടുക്കുക. നീ ഉടച്ചുകളഞ്ഞ പലകകളിലുണ്ടായിരുന്ന വാക്കുകള്‍ തന്നെ ഞാന്‍ അതില്‍ എഴുതാം." [പുറപ്പാട്, 34:1] "നീ ഉടച്ചുകളഞ്ഞ ആദ്യത്തെ പലകകളിലുണ്ടായിരുന്ന വാക്കുകള്‍ ഞാന്‍ അവയില്‍ എഴതും" [നിയമാവര്‍ത്തനം, 10:2] " നിങ്ങളോട് അനുഷ്ഠിക്കാന്‍ അവിടുന്ന് ആജ്ഞാപിച്ച പത്തു കല്‍പനകളാണവ. രണ്ടു കല്‍പലകകളില്‍ അവിടുന്നു അവ എഴുതി."[നിയമാവര്‍ത്തനം, 4:13] " നിങ്ങളുടെ ദൈവമായ കര്‍ത്താവ് മലയില്‍വച്ച് അഗ്‌നിയുടെ മധ്യത്തില്‍ നിന്നു നിങ്ങളോട് അരുളിച്ചെയ്ത പത്തു പ്രമാണങ്ങളും ആദ്യത്തേതു പോലെ ആ പലകകളില്‍ എഴുതി എനിക്കു തന്നു." [നിയമാവര്‍ത്തനം, 10:4]

➡️ അപ്പോള്‍ എഴുതാനറിയുന്ന, കൈകളുള്ള, ദൈവം അരൂപിയല്ല!

🔻 ദൈവത്തിന് മൂക്കുണ്ട്

🔶 "നോഹ കര്‍ത്താവിന് ഒരു ബലിപീഠം നിര്‍മിച്ചു. ശുദ്ധിയുള്ള എല്ലാ മൃഗങ്ങളിലും പക്ഷികളിലും നിന്ന് അവന്‍ അവിടുത്തേക്ക് ഒരു ദഹനബലിയര്‍പ്പിച്ചു. ആ ഹൃദ്യമായ ഗന്ധം ആസ്വദിച്ചപ്പോള്‍ കര്‍ത്താവു പ്രസാദിച്ചരുളി" [Genesis 8:20-21]

➡️ മണം ആസ്വദിക്കുന്ന ദൈവത്തിന് ഘ്രാണ ശേഷിയുണ്ട് [Olfaction]

🔻 ദൈവത്തിന് ഹൃദയം ഉണ്ട്

🔶 "ഭൂമുഖത്തു മനുഷ്യനെ സൃഷ്ടിച്ചതില്‍ കര്‍ത്താവു പരിതപിച്ചു. അത് അവിടുത്തെ ഹൃദയത്തെ വേദനിപ്പിച്ചു." [ ഉല്‍പത്തി, 6:6]

➡️ പാവം ദൈവത്തിന്റ്റെ കുഞ്ഞ് ഹൃദയം വേദനിച്ചു!

🔻 ഭക്ഷണം കഴിക്കുന്ന ദൈവം

 "മാമ്രേയുടെ ഓക്കുമരത്തോപ്പിനു സമീപം കര്‍ത്താവ് അബ്രാഹത്തിനു പ്രത്യക്ഷനായി. 8 : അബ്രാഹം വെണ്ണയും, പാലും, പാകം ചെയ്ത മൂരിയിറച്ചിയും അവരുടെ മുമ്പില്‍ വിളമ്പി. അവര്‍ ഭക്ഷിച്ചുകൊണ്ടിരിക്കേ അബ്രാഹം മരത്തണലില്‍ അവരെ പരിചരിച്ചുകൊണ്ടു നിന്നു." [ഉല്‍പത്തി, 18:1-15]

🔻 രൂപം ഉള്ള ദൈവം

 "ദൈവം വീണ്ടും അരുളിച്ചെയ്തു: നമുക്കു നമ്മുടെ ഛായയിലും, സാദൃശ്യത്തിലും മനുഷ്യനെ സൃഷ്ടിക്കാം." [ഉല്‍പത്തി. 1:26]  "ഹൃദയ  ശുദ്ധിയുള്ളവര്‍ ഭാഗ്യവാന്‍മാര്‍; അവര്‍ ദൈവത്തെ കാണും"[മത്തായി,5:8]  "എന്നെ കാണുന്നവന്‍ എന്നെ അയച്ചവനെ കാണുന്നു."[യോഹന്നാന്‍,12:45]  "എന്നെ കാണുന്നവന്‍ പിതാവിനെ കാണുന്നു." [ യോഹന്നാന്‍ , 14:9]

🔻 ദൈവത്തിനു മുഖമുണ്ട്

 "പരമാര്‍ഥഹൃദയര്‍ ദൈവത്തിന്റ്റെ മുഖം ദര്‍ശിക്കും." [ സങ്കീര്‍ത്തനങ്ങള്‍, 11:7] ഇസ്രായേല്‍ ഭവനത്തില്‍ നിന്നു ഞാന്‍ എന്റെ മുഖം ഇനിമേല്‍ മറയ്ക്കുകയില്ല; [ എസക്കിയേല്‍, 39:29] "നീ എന്റെ മുഖം കണ്ടുകൂടാ; എന്തെന്നാല്‍, എന്നെ കാണുന്ന ഒരു മനുഷ്യനും ജീവനോടെയിരിക്കുകയില്ല.” [പുറപ്പാട്, 33:20] അപ്പോള്‍ നിനക്ക് എന്റെ പിന്‍ഭാഗം കാണാം. എന്നാല്‍ എന്റെ മുഖം നീ കാണുകയില്ല. [പുറപ്പാട് , 33:2]

 ദൈവത്തെ കണ്ടവരുണ്ട് 

 "സ്‌നേഹിതനോടെന്നപോലെ കര്‍ത്താവു മോശയോടു മുഖാഭിമുഖം സംസാരിച്ചിരുന്നു" [ പുറപ്പാട് , 33:11] "ദൈവത്തെ ഞാന്‍ മുഖത്തോടുമുഖം കണ്ടു." [ഉല്‍പത്തി, 32:30] " ദൈവത്തോടും മനുഷ്യരോടും നീ മല്ലിട്ടു ജയിച്ചിരിക്കുന്നു. ദൈവത്തെ ഞാന്‍ മുഖത്തോടുമുഖം കണ്ടു. " [ഉല്‍പ്പത്തി , 32:22-30] "കര്‍ത്താവ് അബ്രാഹത്തിനു പ്രത്യക്ഷനായി" [പുറപ്പാട്, 18:1] "ഉസിയാരാജാവു മരിച്ചവര്‍ഷം കര്‍ത്താവ് ഉന്നതമായ ഒരു സിംഹാസനത്തില്‍ ഉപവിഷ്ടനായിരിക്കുന്നതു ഞാന്‍ കണ്ടു. [ഏശയ്യാ, 6:1-5] "ഇപ്പോള്‍ എന്റെ കണ്ണുകള്‍ അങ്ങയെ കാണുന്നു."[ജോബ്‌, 42:5] "ബലിപീഠത്തിനരികേ കര്‍ത്താവ് നില്‍ക്കുന്നതു ഞാന്‍ കണ്ടു." [ആമോസ്, 9:1]  "അവള്‍ തന്നോടു സംസാരിച്ച കര്‍ത്താവിനെ എല്‍റോയി എന്നുവിളിച്ചു. കാരണം, എന്നെ കാണുന്നവനായ ദൈവത്തെ ഞാനും ഇവിടെവച്ചു കണ്ടു എന്ന് അവള്‍ പറഞ്ഞു." [പുറപ്പാട്, 16:13] "അവ്യക്തമായിട്ടല്ല, സ്പഷ്ടമായി മുഖാഭിമുഖം അവനുമായി ഞാന്‍ സംസാരിക്കുന്നു. അവന്‍ കര്‍ത്താവിന്റെ രൂപം കാണുകയും ചെയ്യുന്നു." [സംഖ്യ, 12:4-8]     "അനന്തരം, മോശയും, അഹറോനും, നാദാബും, അബിഹുവും, ഇസ്രായേല്‍ ശ്രേഷ്ഠന്‍മാര്‍ എഴുപതു പേരും മലമുകളിലേക്കു കയറിപ്പോയി. അവര്‍ ഇസ്രായേലിന്റെ ദൈവത്തെ കണ്ടു."[പുറപ്പാട്,24:9-10] "മനോവ ഭാര്യയോടു പറഞ്ഞു: ദൈവത്തെ കണ്ടതുകൊണ്ട് നാം തീര്‍ച്ചായും മരിക്കും." [ന്യായാധിപന്‍മാര്‍, 13:22] അങ്ങനെ  പലരും ദൈവത്തെ കണ്ടിട്ടുണ്ട് എന്ന് ബൈബിള്‍ തന്നെ വ്യക്തമാക്കുന്നു. 

🔻 പുരുഷനായ ദൈവം

പഴയ നിയമത്തിലും, പുതിയ നിയമത്തില്‍ യേശുവും ദൈവത്തെ വിളിക്കുന്നത്‌ പിതാവ് എന്നാണ്, കൂടാതെ അവന്‍ [he] എന്ന പുല്ലിംഗം സർവ്വനാമം ഉപയോഗിക്കുന്നുണ്ട്. " സമസ്തവും അവനിലൂടെ ഉണ്ടായി; ഒന്നും അവനെക്കൂടാതെ ഉണ്ടായിട്ടില്ല. [John 1:3 "യേശു അവരോടു പറഞ്ഞു: എന്റെ പിതാവ് ഇപ്പോഴും പ്രവര്‍ത്തനനിരതനാണ്" [യോഹന്നാന്‍, 5:17] "ഞാനും പിതാവും ഒന്നാണ്" [ യോഹന്നാന്‍, 10:30 ] "ഭൂമിയില്‍ ആരെയും നിങ്ങള്‍ പിതാവെന്നു വിളിക്കരുത്. എന്തെന്നാല്‍, നിങ്ങള്‍ക്ക് ഒരു പിതാവേയുള്ളൂ - സ്വര്‍ഗസ്ഥനായ പിതാവ്." [ മത്തായി, 23:9 ] “ യേശു പറഞ്ഞു: പിതാവേ, അവരോടു ക്ഷമിക്കണമേ ” [ലൂക്കാ, 23:34] [യോഹന്നാന്‍, 14: 2-13]

 മേൽ പറഞ്ഞ ബൈബിൾ വാക്യങ്ങളുടെ അടിസ്ഥാനത്തിൽ: ശരീരം ഉള്ള ഇന്ദ്രിയങ്ങള്‍ ഉള്ള, ഒരു ജീവിയാണ് താൻ എന്ന് ദൈവം തന്നെ വ്യക്തമാക്കുന്നു. എങ്കില്‍ ആ ദൈവം [ ആത്മാവ് ] അരൂപിയല്ല.

 വികാരങ്ങളുള്ള ദൈവം [Emotions]

ജീവനുള്ള ഒരു ശരീരത്തില്‍ സ്വബോധത്തോട് കൂടെയുള്ള തലച്ചോറിന്റ്റെയും, ഹോര്‍മോണുകളുടെയും പ്രവര്‍ത്തനഫലമായുണ്ടാകുന്ന ശാരീരിക /മാനസീക അവസ്ഥാന്തരങ്ങളാണ് വികാരങ്ങള്‍.

🔵 കോപം, രോഷം, അമര്‍ഷം, ദേഷ്യം [ Anger ]

"അവിടുന്ന് അവരോടു കോപത്തോടെ സംസാരിക്കും; ക്രോധത്തോടെ അവരെ സംഭീതരാക്കും." [സങ്കീര്‍ത്തനങ്ങള്‍, 2:5] "ദൈവം നീതിമാനായ ന്യായാധിപനാണ്; അവിടുന്നു ദിനംപ്രതി രോഷം കൊള്ളുന്ന ദൈവമാണ്." [സങ്കീര്‍ത്തനങ്ങള്‍, 7:11] "തബേറായിലും മാസായിലും കിബ്രോത്ത് ഹത്താവയിലും വച്ചു നിങ്ങള്‍ കര്‍ത്താവിനെ പ്രകോപിപ്പിച്ചു." [നിയമാവര്‍ത്തനം, 9:22] "മനുഷ്യരുടെ സകല ദുഷ്ടതയ്ക്കും അനീതിക്കുമെതിരായി ദൈവത്തിന്റെ ക്രോധം ആകാശത്തുനിന്നു പ്രത്യക്ഷപ്പെടുന്നു." [റോമ,1:18]

  ചിരി, പരിഹാസം [ Laughter ]

"സ്വര്‍ഗത്തിലിരിക്കുന്നവന്‍ അതു കേട്ടു ചിരിക്കുന്നു; കര്‍ത്താവ് അവരെ പരിഹസിക്കുന്നു." [സങ്കീര്‍ത്തനങ്ങള്‍, 2:4] "കര്‍ത്താവു ദുഷ്ടനെ പരിഹസിച്ചു ചിരിക്കുന്നു; അവന്റെ ദിവസം അടുത്തെന്ന് അവിടുന്നറിയുന്നു" [ സങ്കീര്‍ത്തനങ്ങള്‍, 37:13] "അതിനാല്‍, ഞാനും നിങ്ങളുടെ അനര്‍ഥത്തില്‍ നിങ്ങളെ പരിഹസിക്കും" [സുഭാഷിതങ്ങള്‍, 1:26]

🔵 Compassion [ അനുകമ്പ, ആര്‍ദ്രത, കനിവ്‌, കാരുണ്യം, കരുണ, ദയ, സഹാനുഭൂതി, സഹതാപം➡️] : "കര്‍ത്താവു തന്റെ ജനത്തിനു നീതി നടത്തിക്കൊടുക്കും; തന്റെ ദാസരോടു കാരുണ്യം കാണിക്കും." [സങ്കീര്‍ത്തനങ്ങള്‍,135:14] "കര്‍ത്താവു തന്റെ ജനത്തിനു വേണ്ടി നീതി നടത്തും; തന്റെ ദാസരോടു കരുണ കാണിക്കും." [നിയമാവർത്തനം, 32:36] "തങ്ങളെ പീഡിപ്പിക്കുകയും മര്‍ദിക്കുകയും ചെയ്യുന്നവര്‍ നിമിത്തമുള്ള അവരുടെ രോദനം കേട്ട് കര്‍ത്താവിന് അവരില്‍ അനുകമ്പ ജനിച്ചിരുന്നു." [ ന്യായാധിപൻമാർ, 2:18]

🔵  ദുഃഖം, പരിതാപം [ Pity / Grief / sad ]

"ഭൂമുഖത്തു മനുഷ്യനെ സൃഷ്ടിച്ചതില്‍ കര്‍ത്താവു പരിതപിച്ചു.അത് അവിടുത്തെ ഹൃദയത്തെ വേദനിപ്പിച്ചു." [ പുറപ്പാട്, 6:6] "അവര്‍ എത്രയോ പ്രാവശ്യം മരുഭൂമിയില്‍വച്ച് അവിടുത്തോടു മത്‌സരിച്ചു! എത്രയോ പ്രാവശ്യം വിജനപ്രദേശത്തുവച്ച് അവിടുത്തെ ദുഃഖിപ്പിച്ചു!" [സങ്കീര്‍ത്തനങ്ങള്‍,78:40]

🔵  സ്നേഹം [Love ]

"ദൈവം സ്നേഹമാണ്" [1 യോഹന്നാന്‍, 4:8] "തന്റെ ഏകജാതനെ നല്‍കാന്‍ തക്കവിധം ദൈവം ലോകത്തെ അത്രമാത്രം സ്‌നേഹിച്ചു." [യോഹന്നാൻ, 3:16] "കര്‍ത്താവ് അവനു പ്രത്യക്ഷനായി അരുളിച്ചെയ്തു: എനിക്കു നിന്നോടുള്ള സ്‌നേഹം അനന്തമാണ്" [ജെറമിയ, 31:3]

🔵 വെറുപ്പ് [Hate ]

"കര്‍ത്താവ് വെറുക്കുന്ന ആറ് കാര്യങ്ങളുണ്ട്" [സുഭാഷിതങ്ങള്‍, 6:16] "അധര്‍മികളെ അങ്ങു വെറുക്കുന്നു. വ്യാജം പറയുന്നവരെ അങ്ങ് നശിപ്പിക്കുന്നു; രക്തദാഹികളെയും വഞ്ചകരെയും കര്‍ത്താവു വെറുക്കുന്നു." [സങ്കീര്‍ത്തനങ്ങള്‍, 5:5-6] "കര്‍ത്താവു നീതിമാനെയും  ദുഷ്ടനെയും പരിശോധിക്കുന്നു; അക്രമം ഇഷ്ടപ്പെടുന്നവനെ അവിടുന്നു വെറുക്കുന്നു." [സങ്കീർത്തനങ്ങൾ, 11:5]

🔵 അസൂയ, അസഹിഷ്ണുത  [ Jealousy ]

"ഞാന്‍, നിന്റെ ദൈവമായ കര്‍ത്താവ്, അസഹിഷ്ണുവായ ദൈവമാണ്." [പുറപ്പാട്, 20:5] "അസഹിഷ്ണു എന്നു പേരുള്ള കര്‍ത്താവ് അസഹിഷ്ണുവായ ദൈവം തന്നെ." [പുറപ്പാട്, 34:14]

🔵 സന്തോഷം [ Joy / gladness/ rejoice ]

"നിന്നെക്കുറിച്ച് അവിടുന്ന് അതിയായി ആഹ്ലാദിക്കും." [സെഫാനിയ, 3:18] "മണവാളന്‍ മണവാട്ടിയിലെന്നപോലെ നിന്റെ ദൈവം നിന്നില്‍ സന്തോഷിക്കും." [ഏശയ്യാ, 62:5] "അവര്‍ക്കു നന്‍മ ചെയ്യുന്നതില്‍ ഞാന്‍ സന്തോഷിക്കും.[ജെറെമിയ, 32:41]

വികാരങ്ങൾ പ്രകടിപ്പിക്കുന്ന ഏതൊരു ജീവിക്കും ശരീരം ഉണ്ടായേ മതിയാകൂ. തന്റെ എല്ലാ വികാരങ്ങളും പ്രകടിപ്പിക്കുന്ന ദൈവം എങ്ങനെ അരൂപിയാകും?

🔴 യേശു ദൈവമാണോ?

🔹"ദൈവം ആത്മാവാണ്" എന്ന് പറഞ്ഞത് വഴി, ദാവീദിന്റ്റെ ഗോത്രത്തില്‍ മറിയത്തിനും ജോസഫിനും പിറന്നു എന്ന് പറയുന്ന മനുഷ്യനായ താന്‍ ദൈവം അല്ല എന്ന് സ്വയം സമ്മതിക്കുകയായിരുന്നു യേശു ചെയ്തത്. 

ഉയിര്‍ത്ത യേശു ദൈവമാണോ?

ഉയര്‍ത്തെഴുന്നേറ്റ യേശു ശിക്ഷ്യന്മ്മാര്‍ക്ക് പ്രത്യക്ഷപ്പെട്ടപ്പോള്‍, അത് ഭൂതമാണ്‌ എന്ന് കരുതി അവര്‍ ഭയപ്പെട്ടു. എന്നാല്‍ യേശു പറയുന്നത് ഇങ്ങനെ: 

🔸"എന്റെ കൈകളും കാലുകളും കണ്ട് ഇതു ഞാന്‍ തന്നെയാണെന്നു മനസ്‌സിലാക്കുവിന്‍. എന്നെ സ്പര്‍ശിച്ചുനോക്കുവിന്‍. എനിക്കുള്ളതുപോലെ മാംസവും അസ്ഥികളും ഭൂതത്തിന് ഇല്ലല്ലോ." [ലൂക്കാ, 24:39-40 ] [ spirit does not have flesh and bones {pneuma πνεῦμα} ] 

 "ഒരു കഷ്ണം വറുത്ത മീന്‍ അവര്‍ അവനു കൊടുത്തു. അവന്‍ അതെടുത്ത് അവരുടെ മുമ്പില്‍വച്ചു ഭക്ഷിച്ചു." [ലൂക്കാ, 24:42-43 ]

▶ അതായത്, മജ്ജയും മാംസവും ഉള്ള മനുഷ്യനായ യേശുവായിരുന്നു ഉയിര്‍ത്തതെങ്കില്‍:🔹അത് ഒരിക്കലും ദൈവം ആകാന്‍ ഇടയില്ല. കാരണം ദൈവം ആത്മാവാണ് എന്നല്ലേ യേശു തന്നെ പറഞ്ഞത്! 

▶ ഉയര്‍ത്തത് മനുഷ്യ ശരീരം ഉള്ള യേശു ആയിരുന്നുവെങ്കില്‍....  🔹മറിയത്തില്‍ നിന്നും പിറന്ന 100% മനുഷ്യനായിരുന്ന യേശുവിന്: "മനുഷ്യാ നീ മണ്ണാകുന്നു, മണ്ണിലേക്ക് നീ മടങ്ങും" [ ഉല്‍പത്തി, 3:19 ] എന്ന ദൈവ കല്‍പ്പന ബാധകമല്ലേ!?   അപ്പോൾ ആത്മാവല്ലാത്ത യേശു എങ്ങനെ ദൈവമാകും!? 

🔹  ത്രീത്വം എന്ന് പറയുന്നവര്‍ [മൂന്നു പേരും] ദൈവമാണെങ്കില്‍ ദൈവം ആത്മാവാണെങ്കില്‍, അതില്‍ ഒരാള്‍ക്ക്‌ മാത്രം  ശരീരം ഉണ്ട്, എന്തൊരു വിരോധാഭാസം! ദൈവ പുത്രനും ത്രിത്വത്തില്‍ ഒരാളുമായ യേശു ഉയിര്‍പ്പിക്കപ്പെട്ടതിന് ശേഷം തനിക്ക് മനുഷ്യരെ പോലെ ശരീരം ഉണ്ടെന്നും, താന്‍ ഒരു ഭൂതം അല്ല എന്നും പറയുന്നു, കൂടാതെ ഭക്ഷണവും കഴിച്ചു.

പിതാവായ ദൈവം അരൂപിയാണെങ്കില്‍, രൂപമുള്ള, ശരീരമുള്ള  യേശു ദൈവമല്ല. മനുഷ്യനായ ഉയിര്‍ത്ത യേശു ദൈവമാണെങ്കില്‍, ത്രി ഏക ദൈവത്തിനും ശരീരം ഉണ്ടായിരിക്കണം. അതല്ല യേശു പറഞ്ഞത് സത്യമാണെങ്കില്‍: ഇന്ദ്രിയങ്ങളുള്ള, വികാര-വിചാരങ്ങലുള്ള, ഭക്ഷണം കഴിക്കുന്ന, സംസാരിക്കാന്‍ കഴിയുന്ന, ചിരിക്കുന്ന ഏക മൃഗം മനുഷ്യനാണ്. അപ്പോള്‍ ദൈവവും മനുഷ്യനാണ്. ആ ദൈവം എങ്ങനെ അരൂപിയാകും?

അപ്പോള്‍ സര്‍വ്വജ്ഞാനിയായ ദൈവത്തിന്റ്റെ മകനും ദൈവവുമായ[?] യേശു പറഞ്ഞത് നുണയാണ്. അല്ലെങ്കില്‍: "സത്യം സത്യമായി ഞാന്‍ നിങ്ങളോടു പറയുന്നു. അബ്രാഹം ഉണ്ടാകുന്നതിനുമുമ്പ് ഞാന്‍ ഉണ്ട്." [യോഹന്നാൻ, 8:58 ] എന്ന് പറഞ്ഞ യേശുവിന്: ദൈവം ആരെന്നോ, എന്തൊക്കെ ചെയ്തു എന്നോ, ആര്‍ക്കൊക്കെ പ്രത്യക്ഷപ്പെട്ടു എന്നോ, ദൈവത്തിന് ശരീരം ഉണ്ടോ എന്നോ അറിയാതെ പോയി. അപ്പോള്‍ സര്‍വ്വ ജ്ഞാനിയായ ദൈവത്തിന്റ്റെ മകന്‍ സ്വയം പരിഹാസ്യനാവുകയാണ് ഇവിടെ!

🔸"കര്‍ത്താവായ യേശു അവരോടു സംസാരിച്ചതിനുശേഷം, സ്വര്‍ഗത്തിലേക്കു സംവഹിക്കപ്പെട്ടു. അവന്‍ ദൈവത്തിന്റെ വലത്തുഭാഗത്ത് ഉപവിഷ്ടനായി"[മാര്‍ക്കോസ്,16:19 ]

▶ ശരീരം ഇല്ലാത്ത ആത്മാവിന് എങ്ങനെയാണ് ഇടതും വലതും ഉണ്ടാകുക?

▶ യേശു 100% ദൈവവും - മനുഷ്യനും ആണെന്നാണ്‌ സഭയുടെ ഔദ്യോഗിക വേദപാഠം പറയുന്നത്   [CCC 464 ].  ദൈവം ആത്മാവാണ്' എന്ന് യേശു പറഞ്ഞതുവഴി ശരീരമുള്ള താന്‍ ദൈവമല്ലെന്ന് മാത്രമല്ല, ഉയിര്‍ത്ത യേശു അരൂപിയല്ല എന്ന് ശിക്ഷയർക്ക് വെളിവാക്കിയത് മൂലം, താന്‍ ദൈവമല്ല എന്ന്  വീണ്ടും സമ്മതിക്കുകയാണ് ചെയ്തത്. ദൈവത്തിന് ശരീരം ഉണ്ടെങ്കില്‍ ആത്മാവല്ല, ആത്മാവാണെങ്കില്‍ ശരീരവും ഉണ്ടാകില്ല, അഥവാ ആത്മാവും ശരീരവും ഉണ്ടെങ്കില്‍, [കത്തോലിക്കാ വിശ്വാസപ്രകാരം] അതൊരു മനുഷ്യനുമാകും!

ആ... പറയാന്‍ മറന്നു! "വിശുദ്ധലിഖിതമെല്ലാം ദൈവനിവേശിതമാണ്." [2 തിമോത്തി, 3:16]

അടിപൊളി ബാ പൂവാം!!!

----------------------------------------------------------------------------------------------

http://biblehub.com/john/4-24.htm
https://en.wikipedia.org/wiki/Pneuma
https://en.wiktionary.org/wiki/%CF%80%CE%BD%CE%B5%E1%BF%A6%CE%BC%CE%B1
http://www.vatican.va/archive/ccc_css/archive/catechism/p122a3p1.htm