നുണയന്മ്മാരുടെ രാജാവെ സ്വസ്തി

 നുണയന്മ്മാരുടെ രാജാവെ സ്വസ്തി  

വലിയ വലിയ ആളോള് നല്ല നല്ല കാര്യങ്ങൾ പഠിപ്പിക്കുമ്പള് അത് കേട്ടോണ്ടിരിക്കണത് നുമ്മക്ക് ഒരു വീക്നെസ്സാ,  അതോണ്ടാ  പ്രമുഖ ധ്യാനഗുരൂം   കേരത്തിലെ ഒന്നാം നമ്പർ ബൈബിൾ പണ്ഡിതനായ  മ്മട  ഡാനിയേലച്ചൻറെ  ക്ലാസോളൊക്കെ ഞാൻ മൊടങ്ങാതെ കേക്കണത്, എങ്ങാനും സ്വർഗം കിട്ട്യാലോ.... അങ്ങനെ കിട്ട്യോരിണ്ടേയ്.... 

മാനസാന്തരത്തിനായി നിരന്തരം  പ്രയത്നിച്ച് കൊണ്ടിരിക്കുന്ന ഞാനും,  വിശ്വാസികളായ കുഞ്ഞാടുകളും ഏറ്റവും കൂടുതൽ കേൾക്കുന്ന ബൈബിൾ ക്‌ളാസുകൾ തിരുവനന്തപുരം സീറോ മലങ്കര രൂപതയിലെ അംഗവും,   Mount Carmel Retreat Centre  ഡയറക്റ്ററും, കേരളത്തിലെ വിവിധ രൂപതകളിലും വിദേശത്തും  ധ്യാനങ്ങൾ നടത്തുന്ന പ്രമുഖ ബൈബിൾ പണ്ഡിതനായ ഫാദർ ഡാനിയേൽ പൂവണ്ണത്തിലിൻറെതാണ്. 

മിസ്റ്റർ ഡാനിയേൽ,  എന്തും വിശ്വസിക്കാമെന്ന നിങ്ങളുടെ സ്വാതന്ത്ര്യത്തെ മാനിക്കുമ്പോഴും നിങ്ങൾ പറയുന്ന നുണകളെ ശക്തമായി എതിർക്കും. കാരണം ഒരിക്കൽ ഞാനും നിങ്ങളെപോലുള്ളവർ പറയുന്ന നുണകൾ സത്യമെന്നു വിശ്വസിച്ച് ജീവിച്ച ഒരാളാണ്. ഞാൻ നിങ്ങളെപ്പോലെ  ഒരു ബൈബിൾ പണ്ഡിതനല്ല, ആധികാരികമായി ബൈബിൾ പഠിച്ചിട്ടില്ല,  ഇതെൻറെ ജോലിയുമല്ല, ആരെയും പറ്റിച്ച് ജീവിക്കേണ്ട ആവശ്യവും ഇതുവരെ ഉണ്ടായിട്ടില്ല, ഇനി ഉണ്ടാവുകയുമില്ല. എന്ത് നുണപറഞ്ഞാലും കുഞ്ഞാടുകൾ വിശ്വസിക്കും എന്നതുകൊണ്ട്  നിങ്ങടെ കാര്യം കുശാലാ.  

ബൈബിളിനെക്കുറിച്ച്  പലപ്പോഴായി നിങ്ങൾ     നടത്തിയിട്ടുള്ള  അവകാശവാദങ്ങളെ  സ്ഥല - കാല - സന്ദർഭമനുസരിച്ച് നിലനില്പിനുവേണ്ടി നിങ്ങൾതന്നെ ഖണ്ഡിക്കുന്നത് എന്തൊരു  ഗതികേടാണ്... കൂടാതെ  ബൈബിളിനെ കുറിച്ച് നിങ്ങൾ  പറയുന്ന  മേന്മകൾ  വെറും  തള്ളുകൾ  മാത്രമാണ്. "കള്ളസാക്ഷ്യം പറയരുത്" എന്നായിരുന്നു ഒരുകാലത്ത്  എട്ടാം പ്രമാണം... ന്നാലും : 

ഇങ്ങെയൊക്കെ തള്ളാമോ 

ഇനിയും നമ്മൾ കാണേണ്ടേ  

🟡 -  40 - 47 - 60 -  ഗ്രന്ഥകാരൻമ്മാർ
❌ - നുണ 

🔷 - ആദ്യം നിങ്ങതന്നെ ഒരു തീരുമാനത്തിലെത്ത്, എന്നിട്ട് അറിയിക്ക്.  

അല്ല ഭായി, കത്തോലിക്കാ  സഭയുടെ  ഔദ്യോഗിക വേദപാഠം പഠിപ്പിക്കുന്നത്: "ദൈവമാണ് ബൈബിളിൻറെ ഗ്രന്ഥകർത്താവ്" എന്നല്ലേ? അപ്പോൾ ഇങ്ങനെ എണ്ണംപറഞ്ഞ്  ലേലം വിളിക്കുന്നത് അങ്ങേർക്ക് കുറച്ചിലല്ലേ?

CCC 105 

"God is the author of Sacred Scripture. the divinely revealed realities, which are contained and presented in the text of Sacred Scripture, have been written down under the inspiration of the Holy Spirit.” (1)

CCC 136 

"God is the author of Sacred Scripture because he inspired its human authors; he acts in them and by means of them." (2)

എത്ര ഗ്രന്ഥകാരൻമ്മാർ എന്ന് തീരുമാനിക്കുന്നതിനും മുൻപ്, ക്രിസ്തുമതത്തിലെ   ഏതു ജാതിയിൽപ്പെട്ട ബൈബിളാണ് എന്നുപറഞ്ഞാലെ  അതിൽ എത്ര പുസ്തകങ്ങളുണ്ട് എന്നറിയാനും അതനുസരിച്ച് എഴുത്തുകാരുടെ എണ്ണം  നിശ്ചയിക്കാനും  സാധിക്കുകയുള്ളൂ.   എന്നാലല്ലേ കണക്ക് ശരിയാകൂ.  അല്ലാതെ ഒരു ദൈവവും ഒരു ബൈബിളും എന്നവകാശപ്പെടാൻ  

പത്ത്കൽപ്പനകൾ എഴുതിയ നിങ്ങളുടെ ജീവനുള്ള ദൈവം സ്വർഗത്തിൽ നിന്നും കെട്ടിയിറക്കിയിട്ടില്ലല്ലോ, ഉദാഹരണത്തിന് കത്തോലിക്കാ ബൈബിളിലുള്ള  ചില  പുസ്തകങ്ങ പ്രൊട്ടസ്റ്റൻറ്  ബൈബിളിൽ ഇല്ലല്ലോ, അവർക്ക് 66  പുസ്തകങ്ങളല്ലേ ഉളളൂ ?

🟡 - 4 ഭൂഖണ്ഡങ്ങൾ
❌ - നുണ 

🔷 - നാലാമത്തേത് ആസ്‌ത്രേലിയ - അമേരിക്ക - അന്റാർട്ടിക്ക - ഇതിൽ ഏതെന്ന   കൺഫ്യൂഷ്യൻ മാത്രമേയുള്ളൂ. തള്ളിയപ്പോൾ പറ്റിയ  ഒരു ആന മണ്ടത്തരമാണ് നാല് ഭൂഖണ്ഡങ്ങൾ. എന്തിനുവേണ്ടിയാണ് ഇങ്ങനെ തള്ളിയതെന്നു മാത്രം മനസ്സിലായില്ല. 

എങ്ങെനെയൊക്കെ കടിച്ചു പിടിച്ച് ചവിട്ടി വലിച്ച് നീട്ടിയാലും മൂന്നിന് മുകളിൽ പോവില്ല  മിസ്റ്റർ, മാത്രമല്ല   ഇങ്ങനെ അവകാശപ്പെടാൻ അക്കലത്ത് ഇന്നത്തെപ്പോലെ ഭൂഖണ്ഡങ്ങളായി തിരിച്ചിട്ടില്ല എന്നത് വേറെയൊരു സത്യം.  പതിനേഴാം നൂറ്റാണ്ടിൽ പ്രചാരത്തിൽ വന്ന ഒരു വാക്കാണ് ഭൂഖണ്ഡം എന്നത് തന്നെ, ബെർതെ പറഞ്ഞന്നേയുള്ളൂ.

🟡 - ആദ്യമായി അച്ചടിക്കപ്പെട്ട  പുസ്തകം 
❌ - പെരും നുണ 

🔷 - CE  868  -  ഹീരകസൂത്രം (Diamond Sutra)

മഹായാന ബുദ്ധമതത്തിൻ്റെ ഭാഗമായ ഹീരകസൂത്രം (വജ്രസൂത്രം)  വ്യക്തമായ തിയതിയോടുകൂടി അച്ചടിക്കപ്പെട്ടത് CE 868 മെയ് മാസം 11-ന്നാം തിയ്യതിയായിരുന്നു.   (3, 4)

🔷 - 1377 -  കൊറിയൻ ബുദ്ധമത ലിഖിതങ്ങൾ (JIKJI)

1377 ൽ കൊറിയയിലെ Heungdeok ക്ഷേത്രത്തിൽ പ്രസിദ്ധീകരിച്ച, 2004 ൽ യുനെസ്കോ അംഗീകാരം ലഭിച്ച,    "കൊറിയൻ ബുദ്ധമത ലിഖിതങ്ങൾ" എന്നറിയപ്പെടുന്ന JIKJI  ഗുട്ടൻബർഗ് ജനിക്കുന്നതിനും മുൻപേ അച്ചടിച്ച പുസ്തകമായിരുന്നു. (5, 6, 7)

🔷 - 1450 - ഗുട്ടൻബർഗ് ബൈബിൾ

ഗുട്ടൻബർഗ് ബൈബിൾ അച്ചടിക്കുന്നത് 1450  കാലഘട്ടത്തിലായിരുന്നു  എന്ന് മനസ്സിലാക്കുമ്പോൾ ഏഷ്യയിൽ  എത്ര നൂറ്റാണ്ടു മുൻപേ അച്ചടി തുടങ്ങിയിരുന്നു എന്ന സത്യം വ്യക്തമാകുന്നത്. ബൈബിൾ അച്ചടിക്കുന്നതിനും മുൻപേ കവിതകളും,  ലാറ്റിൻ ഗ്രാമർ പുസ്തകവും (Ars minor  by Aelius Donatus) (8) സഭാ ഡോക്കുമെന്റുകളും   ഗുട്ടൻബർഗ്   അച്ചടിച്ചിരുന്നു.  എങ്ങനെയൊക്കെ ന്യായീകരിച്ചാലും  ആദ്യമായി അച്ചടിക്കപ്പെട്ട പുസ്തകമെന്ന ഖ്യാതി ഒരിക്കലും ബൈബിളിന് അവകാശപ്പെടാൻ കഴിയില്ല. ഇങ്ങനെ തള്ളിമറിക്കുമ്പോൾ ഇച്ചിരി ചരിത്രംകൂടി അറിയുന്നത് നന്നായിരിക്കും. (9, 10, 11, 12 , )

🟡 -  "ആദ്യ നാല് നൂറ്റാണ്ടുകളിൽ ബൈബിൾ ഉണ്ടായിരുന്നില്ല" 

❌ - നുണ 

🔷 - അപ്പോൾ ൻറെ തംശ്യം ദിതാണ്: 

- പഴയനിയമം ഉണ്ടായിരുന്നോ? 

- അതിനെ ബൈബിൾ എന്ന് വിളിക്കാമോ 

- പുതിയ നിയമം എഴുതിയത് അഞ്ചാം നൂറ്റാണ്ടിൽ ആയിരുന്നോ?

ആദ്യം പറയുന്നു ബൈബിൾ എഴുതിയത് 15 നൂറ്റാണ്ടുകൾ കൊണ്ടാണെന്ന്,  പിന്നീട് പറയുന്നു ആദ്യത്തെ നാല്  നൂറ്റാണ്ടുകളിൽ ബൈബിൾ ഉണ്ടായിരുന്നില്ല എന്ന്, അപ്പോൾ ബൈബിൾ ഉണ്ടായിട്ട്  എത്ര വർഷമായി?എന്തെങ്കിലും ഒരുകാര്യം ഉറപ്പിച്ച്  പറഞ്ഞാൽ വിശ്വസിക്കാൻ ശ്രമിക്കായിരുന്നു, ഇത് നിങ്ങ പറയുന്ന കാര്യങ്ങൾ നിങ്ങതന്നെ ഖണ്ഡിച്ചാൽ.... ഇങ്ങനാണേൽ ഈ കളിക്ക് ഞാനില്ല! 

🟡 -  സഭയിലാണ് ബൈബിൾ എഴുതപ്പെട്ടത് 

❌ - നുണ

🔷 - 

എന്ന് മുതലാണ് സഭയുണ്ടായത് എന്ന് ചോദിച്ചാൽ: ദൈവം സൃഷ്ടികർമ്മം നടത്തിയത് സഭയിലായിരുന്നു എന്ന് പറയില്ലെന്ന് കരുതുന്നു.  ഇന്നത്തെ ബൈബിളിലെ  പുതിയനിയമത്തിൽ ഉൾപ്പെടുത്തിയിട്ടുള്ള  പുസ്തകങ്ങൾക്ക് മുൻപേയും അതിനു ശേഷവും  എഴുതപ്പെട്ട പുസ്തകങ്ങൾ നിലനിൽക്കെത്തന്നെ  തങ്ങൾക്ക് ഇഷ്ടമുള്ള  കുറച്ച് പുസ്തകങ്ങൾ തിരഞ്ഞെടുത്ത്  ഇതാണ് നമ്മടെ ബൈബിൾ എന്ന് പറയുക മാത്രമാണ് സഭ ചെയ്തത്. അക്കാലത്ത് എഴുതപ്പെട്ട ബൈബിളിൽ ചേർക്കാത്ത പലപുസ്തകങ്ങളും ഇന്നും ലഭ്യമാണ് എന്നിരിക്കെ ദയവായി ഇങ്ങനെ തള്ളരുത്. 

🟡 -  സഭക്ക് വേണ്ടിയാണ് ബൈബിൾ എഴുതപ്പെട്ടത് 

❌ - നുണ

🔷 -   ഈ സഭ എന്ന് പറയുന്നത് "ഞാനും അഫനും സുഭദ്രയും" എന്ന് പറഞ്ഞത് പോലെയാണോ? അല്ല, യഹൂദർ  ഇപ്പോഴും സഭയിൽ ഇല്ലല്ലോ പക്ഷെ അവരുടെ പഴയ നിയമം നിങ്ങൾക്ക് വേണം താനും. പൗലോസിൻറെ ലേഖനങ്ങൾ മാത്രമാണ് പ്രത്യേകസഭകൾക്ക് എന്ന മേൽവിലാസത്തിൽ എഴുതപ്പെട്ടിട്ടുള്ളത് എന്നത് നാലാം ക്‌ളാസും ഗുസ്തിയും മാത്രം അറിയാവുന്ന, നാലക്ഷരം കൂട്ടിവായിക്കാൻ കഴിവുള്ള ഏതൊരു കുഞ്ഞാടിനും മനസ്സിലാക്കാവുന്നതേയുള്ളു മിസ്റ്റർ ഡാനിയേൽ. അല്ല, അറിയാൻ പാടില്ലാഞ്ഞിട്ടാണ്:  "റോമിലെ കത്തോലിക്കാ സഭക്ക്" എന്നും പറഞ്ഞ് ഏതെങ്കിലും സുവിശേഷം എഴുതിയിട്ടുണ്ടോ?

യഹൂദ മത പണ്ഡിതർക്കോ കത്തോലിക്കാ സഭക്കോ നിക്ഷേധിക്കാനാവാത്ത മറ്റൊരു  സത്യമുണ്ട്: ഇന്ന് നിലവിലുള്ള ഏറ്റവും പഴക്കമേറിയ  ബൈബിൾ CODEX SINATICUS (13) എന്ന ഗ്രീക്ക് കൈയെഴുത്ത് പ്രതിയാണ്. അതും ഇന്നത്തെ ബൈബിളും തമ്മിൽ പ്രകടമായ വ്യത്യാസങ്ങൾ നിലനിൽക്കെത്തന്നെ തള്ളുമ്പോൾ ഒരു മയം  വേണ്ടേ മാഷേ... അതിലുള്ള ചില  'ദൈവ നിവേശിത'  പുസ്തകങ്ങൾ എങ്ങനെ നിങ്ങടെ ബൈബിളിൽ ഇല്ലാതെ പോയി എന്നത് വെറുമൊരു തമാശമാത്രമായി തള്ളിക്കളയാം. (14, 15, 16, )

🟡 - 73 പുസ്തകങ്ങൾ 
❌ - നുണ 

🔷 - ഏതുകാലത്തെ ബൈബിളാണ്, ക്രിസ്തു മതത്തിലെ ഏതു ജാതിയിൽപ്പെട്ട  ബൈബിളാണ് എന്നതിനെ ആശ്രയിച്ചാണ് അതിൽ എത്ര പുസ്തകങ്ങളുണ്ടെന്ന് പറയാൻ  സാധിക്കുക. ഇനി കത്തോലിക്കാ സഭയുടെ ബൈബിളാണെങ്കിൽ അതും പരിണാമം സംഭവിച്ചാണ് ഇന്നത്തെ അവസ്ഥയിൽ എത്തിയത്.  

ഗ്രീക്ക് ഭാഷയിൽ നേരത്തെ  എഴുതപ്പെട്ട കുറെ പുസ്തകങ്ങൾ നാലാം  നൂറ്റാണ്ടിൽ തപ്പിയെടുത്ത്, അതിൽ തങ്ങൾക്ക് ഇഷ്ടമുള്ളത് മാത്രം തിരഞ്ഞെടുത്തത്, അത് ലത്തീൻ ഭാഷയിലേക്ക് മൊഴിമാറ്റം നടത്തി, അവ ഒരുമിച്ച് തുന്നിക്കെട്ടി, അതാണ് വിശുദ്ധ ഗ്രന്ഥം എന്ന് പ്രഖ്യാപിക്കുക മാത്രമാണ് സഭ ചെയ്തത്.  ജെറോം ക്രോഡീകരിച്ച ആദ്യ ബൈബിളിൽ നിന്നും പിന്നീട്  പുസ്തകങ്ങൾ നീക്കം ചെയ്തതും നിങ്ങൾ മറന്നതോ അതോ ഓർക്കാൻ ഇഷ്ടപ്പെടാത്തതോ?

🔷 - Peshitta

പെഷീത്ത എന്താണെന്ന് ഞാൻ നിങ്ങളെ ഓർമ്മിപ്പിക്കേണ്ട ആവശ്യം ഉണ്ടെന്ന് തോന്നുന്നില്ല മിസ്റ്റർ ഡാനിയേൽ, എന്നാലും വായനക്കാർക്ക് അറിയാൻ വേണ്ടി പറയുന്നു: മിസ്റ്റർ ഡാനിയേൽ നിങ്ങൾ പ്രതിനിധാനം ചെയ്യുന്ന സീറോ മലങ്കര സഭ കൂടി ഉൾക്കൊള്ളുന്ന സുറിയാനി സഭയുടെ ഔദ്യോഗിക ബൈബിളാണ് പേഷീത്ത. അതിൻ്റെ പുതിയനിയത്തിൽ ഏഴാം നൂറ്റാണ്ടു വരെ 22 പുസ്തകങ്ങൾ മാത്രമേ ഉണ്ടായിരുന്നുള്ളൂ എന്നതും  നിങ്ങൾ മറന്നതോ അതോ ഓർക്കാൻ ഇഷ്ടപ്പെടാത്തതോ? (17, 18 )

ഇന്നത്തെ കത്തോലിക്കാ  ബൈബിളിൽ ഇത്രയും പുസ്തകങ്ങളുണ്ട് എന്ന് മാത്രമേ നിങ്ങൾക്ക് അവകാശപ്പെടാൻ കഴിയുകയുള്ളൂ, കാരണം, ജെറോം ക്രോഡീകരിച്ച ബൈബിളിലെ ചില പുസ്തകങ്ങൾ   സഭ പിന്നീട്  നീക്കം ചെയ്തത് പോലെ  നാളെ സഭ മറ്റേതെങ്കിലും പുസ്തകം കൂട്ടിച്ചേർത്താലോ നീക്കം    ചെയ്താലോ  ഇന്നത്തെ എണ്ണം മാറും എന്നർത്ഥം. ബൈബിളിൽ യേശു പഠിപ്പിച്ച സ്വർഗ്ഗസ്ഥനായ പിതാവേ എന്ന പ്രാർത്ഥന തിരുത്തിയ സഭക്ക് ഒരു പുസ്തകം കൂട്ടി ചേർക്കാനോ ഒഴിവാക്കാനോ സാധിക്കില്ലേ? അല്ല  മാർപാപ്പയുടെ "അപ്രമാദിത്വം" അതാണല്ലോ. 

🟡 - "ഉല്പത്തിമുതൽ വെളിപാടുവരെ  കൃത്യമായ,   യുക്തിപരമായ,  ലോജിക്കലായ ഭദ്രത. ഇതുപോലൊരു  ഗ്രന്ഥം ഭൂമിയിലില്ല." 

❌ - നുണ 

 📕 -  Deuteronomy 4:2

"ഞാൻ  നൽകുന്ന കൽപനകളോട് ഒന്നും കൂട്ടിച്ചേർക്കുകയോ അതിൽ  നിന്ന് എന്തെങ്കിലും എടുത്തുകളയുകയോ അരുത്."   എന്ന് ദൈവം കൽപ്പിക്കുന്ന പുസ്തകത്തിലെ   യേശു പഠിപ്പിക്കുന്ന "സ്വർഗ്ഗസ്ഥനായ പിതാവേ" എന്ന പ്രാർത്ഥന നൂറ്റാണ്ടുകൾക്ക് ശേഷം  സഭ  തിരുത്തിയത് വെറുതെ ഒന്ന് ഓർത്തുപോയി.... ബൈബിളിൽ യേശു പഠിപ്പിച്ച പ്രാർത്ഥന തിരുത്തി എന്ന് പറയുമ്പോൾ ബൈബിൾ തിരുത്തി എന്നുതന്നെയാണ് അർത്ഥമാക്കേണ്ടത്. 

ലോകത്ത്  70  ഭാഷകളിലേക്ക്  വിവർത്തനം ചെയ്യപ്പെട്ട 50 കോടിയിലേറെ വിറ്റഴിക്കപ്പെട്ട  J. K. Rowling എഴുതിയ Harry Potter സീരിസ് ബുക്കുകൾക്ക്  ബൈബിളിനേക്കാൾ യുക്തിഭദ്രതയുണ്ട്  അത് മനസ്സിലാക്കിയാൽ തീരാവുന്നതേയുള്ളൂ എത്ര വട്ടം തിരുത്തിയെന്ന് സഭക്ക് പോലും ഉറപ്പില്ലാത്ത ഒരു പുസ്തകത്തിന് ദൈവീകത  തിരിച്ചറിയാൻ.

പരസ്പ്പരം കണ്ടിട്ടില്ലാത്തവർ എഴുതിയ പുസ്തകത്തിൽ നിങ്ങൾ പറയുന്ന    ഈ യുക്തിഭദ്രത എങ്ങനെ വന്നു എന്ന് ചോദിച്ചാൽ അതിന്  ഒരു  ഉത്തരമേയുള്ളൂ: ഗ്രീക്ക് പഴയനിയമവും  (Septuagint) (19) പഴയ ലാറ്റിൻ ബൈബിളും (vetus Latina(20) നിലനിൽക്കെ, ഇരുപത്തഞ്ചോളം വർഷങ്ങൾകൊണ്ട്  ജെറോം നടത്തിയ വെട്ടിത്തിരുത്തലുകളും, കുത്തിതിരുകലുകൾക്കുശേഷം   അവ ഒരുമിച്ച് തുന്നിക്കെട്ടി, അഞ്ചാം നൂറ്റാണ്ടിൽ  അതിനെ    പുതിയ ബൈബിൾ (BIBLIA VULGATA)(21) എന്ന പേരുനൽകുക മാത്രമായിരുന്നു സഭ  ചെയ്തതത്. വെറുതെ ഒരു ഉദാഹരണം പറയാം: ഇന്ന് നിലവിലുള്ള ഏറ്റവും പഴയ ബൈബിളായ CODEX SINATICUSൽ ഇല്ലാത്ത ഭാഗങ്ങൾ ഒന്നര നൂറ്റാണ്ട് കഴിഞ്ഞ് എഴുതിയ  ജെറോമിൻറെ ബൈബിളിൽ എങ്ങനെ വന്നു? ഉദാഹരണം: Mark, 16: 9-20 (22)

പിന്നീട്    മാറി മാറി വന്ന മാർപാപ്പാമാരുടെ ഇഷ്ടം അനുസരിച്ച്   ഓരോ ബൈബിൾ  കമ്മീഷനും ബൈബിളിൽ   മാറ്റങ്ങൾ വരുത്തി   അതാണ് വിശുദ്ധ ഗ്രന്ഥംമെന്നു കൽപ്പന പുറപ്പെടുവിക്കുകയും, അതിനു മുൻപുണ്ടായിരുന്നവയെല്ലാം അസാധുവായി പ്രഖ്യാപിക്കുകയും, അവയൊക്കെ  വാരിയിട്ട് കത്തിക്കുകയും ചെയ്തു. അസാധുവായ ബൈബിൾ കൈവശം വക്കുന്നത് മരണശിക്ഷ വരെ ലഭിക്കാവുന്ന കുറ്റമായിരുന്നു എന്നും മറക്കരുത്.  അതാണ്     'ദൈവ നിവേശിത  വിശുദ്ധ ഗ്രന്ഥം'  എന്ന് നിങ്ങൾ വിശേഷിപ്പിക്കുന്ന ബൈബിളിന്റെ  ചരിത്രം. അത് ദൈവീകഗ്രന്ഥം  എന്ന പുസ്തകത്തിൻറെ പോരായ്മയാണ്.  (അല്ലാന്ന് തെളിയിച്ചാൽ നിങ്ങൾ പറയുന്ന എന്ത് തീരുമാനവും ഉപാധികൾ ഇല്ലാതെ  സമ്മതിക്കുന്നതായിരിക്കും.)

വായിക്കുന്ന കാര്യങ്ങൾ മനസ്സിലായാലേ അതിലെ വൈരുധ്യങ്ങൾ തിരിച്ചറിയാനാകൂ. നൂറുകണക്കിന് വൈരുധ്യങ്ങൾ ബൈബിളിലുണ്ട്. ഉദാഹരണത്തിന്:   ബൈബിളിലെ ഭൂമി ദൈവം   "ചലിക്കാതെ അടിത്തറയിൽ" ഉറപ്പിച്ചിരിക്കുന്നതാണ് എന്നത് നിങ്ങളുടെ  ദൈവത്തിൻറെ യുക്തി:  

📕 - - Psalm 104:5

"കർത്താവ്  ഭൂമിയെ അതിന്റെ അടിസ്ഥാനത്തിന്മേലുറപ്പിച്ചു; അത് ഒരിക്കലും   ഇളകുകയില്ല." 

📕 - Psalm 96:10
"ലോകം സുസ്ഥാപിതമായിരിക്കുന്നു; അതിന് ഇളക്കം തട്ടുകയില്ല;"

📕 - 1 Chronicles 16:30
"കർത്താവാണല്ലോ  ലോകത്തെ അചഞ്ചലമായി ഉറപ്പിച്ചത്."

അല്ല ഈ രാത്രിയും പകലും ഉണ്ടാകുന്നത് എങ്ങനാന്നാ പറഞ്ഞേ... പിന്നെ എങ്ങനെയാണ് ഭൂമികുലുക്കം ഉണ്ടാകുന്നത് എന്ന് മാത്രം ആരും ചോദിക്കരുത്.

"ഭൂമി കറങ്ങുന്നു" എന്ന് പറഞ്ഞതിനായിരുന്നല്ലോ സഭ പണ്ട്   ഗലീലിയോയെ വിചാരണ ചെയ്ത് ശിക്ഷച്ചത് എന്നൊർക്കുമ്പളാ...

ഇതുപോലെ എത്രയോ കൃത്യമായ,   യുക്തിപരമായ, ലോജിക്കലായ  മണ്ടത്തരങ്ങൾ സർവ്വജ്ഞാനിയായ ദൈവം വെളിപ്പെയുത്തിയ  ദൈവവചനമെന്ന് വിശേഷിക്കപ്പെടുന്ന ബൈബിളിലുണ്ട്. ബൈബിൾ  സത്യമാകുന്നത്  ഇതൊക്കെ കണ്ണും പൂട്ടി തൊണ്ടതൊടാതെ വിഴുങ്ങുന്നവർക്ക് മാത്രമാണ്.  

🔴 - ബൈബിളിൻറെ ദൈവീകത? 

- വട്ടപ്പൂജ്യം

കത്തോലിക്കാസഭ പ്രഖ്യാപിക്കുന്നതുവരെ  ആ പുസ്തകങ്ങൾ ഒന്നും  വിശുദ്ധമായിരുന്നില്ല, കൂടാതെ  അപ്പസ്തോലൻമാരാൽ അക്കാലത്ത് തന്നെ എഴുതപ്പെട്ടു എന്ന് പറയപ്പെടുന്ന,  ബൈബിളിൽ ഉൾപ്പെടുത്താത്ത   മാറ്റ് സുവിശേഷങ്ങളും  ഇപ്പോഴും കത്തോലിക്കാ സഭക്ക്  വിശുദ്ധമല്ല, കൂടാതെ നേരത്തെ ഉണ്ടായിരുന്ന  പുസ്തകങ്ങൾ ഇന്ന് ബൈബിളിൽ ഇല്ല  എന്നോർത്താൽമതി ഈ  അതിൻറെ  ദൈവീകത മനസ്സിലാക്കാൻ. (23)

🟡 - ബൈബിൾ 1500 വർഷംകൊണ്ട് എഴുതിയ പുസ്തകം 
❌ - നുണ

ബൈബിളിലെ ആദ്യത്തെ അഞ്ച് പുസ്തകങ്ങൾ മോശ എഴുതി എന്നതാണ് വിശ്വാസം. അപ്പോൾ മോശയുടെ കാലംമുതൽ, മോശ പത്ത് കൽപ്പനകൾ സ്വീകരിച്ച കാലം മുതൽ എഴുതി തുടങ്ങി എന്ന് കരുതാം, Bible Timeline (24)* പ്രകാരം കാലം കണക്കാക്കിയാൽ  BCE 1446 ൽ ആയിരുന്നു മോശ ദൈവത്തിൻറെ കയ്യിൽ നിന്നും കൽപ്പനകൾ സ്വീകരിച്ചത് എന്ന് കാണാം. 

പിന്നീട് യേശുവിന് ശേഷം  ആദ്യത്തെ 400 വർഷക്കാലം ബൈബിൾ ഉണ്ടായിരുന്നില്ല   എന്നുകൂടി പറയുന്നു.  അപ്പോൾ ബൈബിൾ ഉണ്ടായിട്ട് എത്ര കാലമായി  മാഷേ? എന്തരോ ഏതോ.... ബൈബിൾ എന്ന് മുതൽ എഴുതാൻ തുടങ്ങി, എന്ന് അവസാനിച്ചു എന്നുകൂടി പറഞ്ഞിരുന്നെങ്കിൽ കൊള്ളാമായിരുന്നു. ശരിക്കും ബൈബിൾ എന്നതുകൊണ്ട് ടിയാൻ അർത്ഥമാക്കുന്നത് എന്താണാവോ... 

🔴 - ഭാഷ : 

BC 1400 മുതൽ   AD 100 വരെയുള്ള  1500 വർഷങ്ങൾകൊണ്ടാണ്  ബൈബിൾ എഴുതിയതെന്നാണ്  ഇവരയുടെ അവകാശ  വാദം.  കാരണം അങ്ങനെ പറഞ്ഞാലേ ബൈബിൾ ഒരു ചരിത്ര ഗ്രന്ഥമാണെന്ന് പറയുന്ന തള്ളലിന് ബലമുണ്ടാവുകയുള്ളൂ.  ഇങ്ങനെ തള്ളുന്നവർ ഓർക്കാത്ത ഒരു സത്യമാണ് ഭാഷ, ഏതൊരു ഭാഷക്കും ഒരു ചരിത്രമുണ്ട്: 

- ഒരു സമൂഹം രൂപപ്പെടുന്നു 

- ഒരു സംസാരരീതി  ഉത്ഭവിക്കുന്നു 
- പിന്നീട് ആ ഭാഷക്ക് ലിപികൾ ഉണ്ടാകുന്നു 

- ആ ഭാഷയിൽ  സാഹിത്യ സൃഷ്ടികൾ രൂപപ്പെടുന്നു.... 

ഇതിനൊക്കെ റൂറ്റാണ്ടുകൾ ആവശ്യമാണ്. ഒറ്റ  ദിവസംകൊണ്ട്  ഉണ്ടായതല്ല ലോകത്തെ ഒരു ഭാഷയും എന്ന് മാത്രമല്ല,  ഇന്നും  ലോകത്ത്  ലിപിയും എഴുത്തും ഇല്ലാത്ത ആയിരക്കണക്കിന് ഭാഷകളുണ്ട് എന്നോർക്കണം....  ഇന്ത്യയുടെ ഭാഗമായ  നോർത്ത് സെന്റിനെൽ  ദ്വീപ് സമൂഹങ്ങളിലെ മനുഷ്യരുടെ സംസാരരീതി ലോകത്ത് മറ്റൊരാൾക്കും ഇന്നും അറിയില്ല എന്നോർക്കുക. 

ചുരുക്കി പറഞ്ഞാൽ ഭാഷ മനുഷ്യ നിർമ്മിതമാണ്. ബൈബിൾകഥ പ്രകാരം ഭൂമുഖത്ത്  മനുഷ്യർ ഇല്ലാതിരുന്നസമയം  ആകാശവും ഭൂമിയും സൃഷ്ടിച്ച ദൈവം പോലും  "ഉണ്ടാകട്ടെ" എന്ന് പറഞ്ഞത്  മനുഷ്യ നിർമ്മിത ഭാഷയിലായിരുന്നു എന്നതാണ് ഉല്പത്തി പുസ്തകത്തിലെ ആദ്യത്തെ  കോമഡി.  പിന്നീട് ലോകത്തിലെ ആദ്യത്തെ മനുഷ്യൻ ആദം എല്ലാ മൃഗങ്ങൾക്കും പക്ഷികൾക്കും പേരിട്ടു എന്നും, അത് ഹീബ്രുവിൽ ആയിരുന്നു എന്നും വിശ്വസിക്കുന്നവരാണ് ഇക്കൂട്ടർ.

1400ൽ ഇല്ലാത്ത ഹീബ്രു ഭാഷയിൽ  മോശ ഒരിക്കലും  പഞ്ചഗ്രന്ഥികൾ  എഴുതാൻ സാധ്യതയില്ല,  അല്ലെങ്കിൽ   ഈജിപ്തിൽ ജനിച്ചുവളർന്ന    മോശക്ക് അറിയാമായിരുന്ന ഈജിപ്ത് ഭാഷയിൽ  (Hieroglyph) (25) ആകുമായിരുന്നു  ബൈബിൾ എഴുതുക. 

ബൈബിൾ പഴയനിയമം ഭൂരിഭാഗം പുസ്തകങ്ങളും ഹീബ്രുവിലും ചിലത് അരമായ ഭാഷയിലുമാണ് എഴുതിയിരിക്കുന്നത്  എന്നാണ് ബൈബിൾ പണ്ഡിതരുടെ  അഭിപ്രായം. പക്ഷെ  BCE 1400-ൽ ബൈബിൾ എഴുതണമെങ്കിൽ,  അതിനും എത്രയോ  മുൻപേ ഹീബ്രു ഭാഷ  അഭിവൃദ്ധിപ്പെട്ടിരിക്കണം.  അക്കാലത്ത് ഹീബ്രു ഭാഷ ഉണ്ടായിരുന്നോ? 

📕 - [Hebrews 11:1]

വിശ്വാസം എന്നത്: "പ്രത്യാശിക്കുന്നവ ലഭിക്കുമെന്ന ഉറപ്പും, കാണപ്പെടാത്തവ ഉണ്ട് എന്ന ബോധ്യവുമാണ്."  സത്യമായത് എന്തോ അതല്ല വിശ്വാസം.തങ്ങൾ വിശ്വസിക്കുന്നത് എന്തോ അത് മാത്രമാണ്  സത്യമെന്ന്  സ്വയം ഉറപ്പിക്കുന്നതും, അതല്ലാതെ വേറെ ഒന്നും  ഇല്ലെന്നും, സത്യം മറ്റൊന്നാണെങ്കില്‍പോലും അതിനെ അംഗീകരിക്കാന്‍ കഴിയാത്ത ഒരു അവസ്ഥയും കൂടിയാണ് വിശ്വാസം. 

 തുടരും... 

=========================================

01 - http://www.scborromeo.org/ccc/para/105.htm#

02 - https://www.vatican.va/archive/ENG0015/__PT.HTM

03 - https://www.historyofinformation.com/detail.php?id=2779

04 - https://www.bl.uk/collection-items/the-diamond-sutra

05 - https://en.wikipedia.org/wiki/Diamond_Sutra

06 - https://www.unesco.org/en/prizes/jikji

07 - https://www.bnf.fr/en/jikji-treasure-world-printing

08 - https://www.historyofinformation.com/detail.php?id=2779

09 - https://en.wikipedia.org/wiki/Jikji

10 - https://www.bl.uk/treasures/gutenberg/donatus.html

11 - https://www.bl.uk/collection-items/gutenberg-bible

12 - https://www.history.com/news/7-things-you-may-not-know-about-the-gutenberg-bible

13 - https://www.codexsinaiticus.org/en/

14 - https://en.wikipedia.org/wiki/Gutenberg_Bible

15 - https://www.earlychristianwritings.com/index.html

16 - https://www.newadvent.org/cathen/04085a.htm

17 - https://www.britannica.com/topic/Peshitta

18 - https://en.wikipedia.org/wiki/Peshitta

19 - https://www.septuagint.bible/home

20 - http://www.vetuslatina.org/

21 - https://vulgate.org/

22 - https://www.studylight.org/bible/lat/jvl/mark/16.html

23 - https://www.earlychristianwritings.com/index.html

24 - https://biblehub.com/timeline/

25 - https://www.britannica.com/topic/hieroglyph

Video  Courtesy - https://www.youtube.com/c/FRDANIELPOOVANNATHIL

S.I ചെമ്പൻ

 തോമസേട്ടനും S I ചെമ്പനും കണ്ടു മുട്ടിയപ്പോൾ

🔹 - എന്താ തന്റ്റെ പേര്?
🔸 - തോമസ് 

🔹 - ഉം, ആകാശവും ഭൂമിയും സൃഷ്ടിച്ചത് ആരാന്നാ പറഞ്ഞെ?
🔸 - അത് ദൈവം തന്നെ 

🔹 - അത് തനിക്കു എങ്ങനെ അറിയാ? 
🔸 - അത് ബൈബിളിലുണ്ട്

🔹 - എടൊ ബൈബിൾ എഴുതിയത് മനുഷ്യരല്ലേ?
🔸 - അതെ

🔹 - അപ്പോൾ അങ്ങനെ പറഞ്ഞത് മനുഷ്യരല്ലേ?
🔸 - അല്ല അത് ദൈവം തന്നെ! 

🔹 - ഉം! ഇത് ഒരു നടക്ക് പോകൂല്ല! 
... അതുപോട്ടെ! 

🔹 - തോമാസേട്ടൻ   ബൈബിള്‍ വായിച്ചിട്ടുണ്ടോ? 
🔸 - ഉവ്വ, അത് മൂന്നാല് വട്ടം വായിച്ചിട്ടുണ്ട്.

🔹 - ദൈവം ഉണ്ടെന്ന്  ബൈബിളിലല്ലേ താന്‍  വായിച്ചത് ?
🔸 - അതെ

🔹 - അത് എഴുതിയത് മനുഷ്യര അല്ലെ? 
🔸 - അതെ

🔹 - അപ്പോള്‍ ദൈവം ഉണ്ടെന്നു പറഞ്ഞത് മനുഷ്യരല്ലെ?
🔸 - അല്ല അത് ദൈവം തന്നെ!

🔹 - എടൊ താന്‍ എന്ത് ഊളത്തരമാടോ ഈ പറയണത്?
... 
🔹 - എടൊ! താന്‍ ബൈബിള്‍ വായിച്ചപ്പോള്‍...  അതില്‍ എഴുതിരിക്കുന്നത് കൊണ്ടല്ലേ  ദൈവം ഉണ്ടെന്നും, എല്ലാം സൃഷ്ടിച്ചത് ദൈവമാണെന്നും തനിക്കു മനസ്സിലായത്‌. 
🔸 - ഉം!

🔹 - ആ! അപ്പോള്‍ അത് എഴുതിയ മനുഷ്യരല്ലേ അങ്ങനെ പറഞ്ഞത്?
🔸 - അല്ല അത് ദൈവം തന്നെ!
$%^&|"{]}....

🔹 - ഉം, എന്നട്ട്.... എന്നട്ട്...എന്നട്ട്....
🔸 - എന്നട്ടെന്താ, ദൈവം പോയി!

ബൈബിൾ സംശയങ്ങൾ!

S.I. ചെമ്പൻ

 തോമസേട്ടനും S I ചെമ്പനും കണ്ടു മുട്ടിയപ്പോൾ

🔹 - എന്താ തന്റ്റെ പേര്?

🔸 - തോമസ്

🔷 - ചേട്ടാ ചില ചോദ്യങ്ങൾ ചോദിച്ചോട്ടെ?

🔶 - പിന്നെന്താ, ചോദിച്ചോ

🔷 - എത്ര ദൈവമുണ്ട്?

🔶 - ഒരു ദൈവം

🔷 - അതാരാ?

🔶 - പിതാവ് + പുത്രൻ + പരിശുദ്ധാത്മാവ്

🔷 - അപ്പോൾ അവർ മൂന്നു പേരാണോ?

🔶 - അല്ല ഒരാളാണ്

🔷 - ഇവർ എന്ന് മുതലാണ് ഉണ്ടായത്?

🔶 - ആദിമുതലെ ഉണ്ടായിരുന്നു

🔷 - ഉം അത് പോട്ടെ! ചേട്ടന് സുഖം തന്നെയല്ലേ?

🔶 - ഓ പരമസുഖം.

🔷 - ചേട്ടൻ ഇനി ഞാൻ ചോദിക്കുന്ന കാര്യങ്ങൾക്ക് ശ്രദ്ധിച്ച് മറുപടി പറയണം, കേട്ടല്ലോ

🔶 - ഉം!

🔷 - മറിയത്തെ ആരാ ഗർഭിണിയാക്കിയത്?

🔶 - അത് പരിശുദ്ധാത്മാവ്

🔷 - മറിയം ആരെയാണ് പ്രസവിച്ചത്

🔶 - പുത്രനെ

🔷 - പരിശുദ്ധാത്മാവ് മറിയത്തെ ഗർഭിണിയാക്കുമ്പോൾ പുത്രൻ ആൾറെഡി ഇല്ലേ?

🔶 - ഉണ്ട്

🔷 - ആ... അപ്പോൾ മറിയത്തെ ഗർഭിണിയാക്കിയപ്പോൾ പരിശുദ്ധാത്മാവിന്റെ കൂടെ പുത്രനും ഉണ്ടായിരുന്നില്ലേ?

🔶 - ഇല്ല

🔷 - അതെങ്ങനാടോ?

🔶 ....

🔷 - മൂന്നുപേരും നേരത്തെമുതൽ ഉള്ളതല്ലേ?

🔶 - അതെ

🔷 - മൂന്നു പോരും ഒന്നല്ലേ?

🔶 - അതെ

🔷 - അപ്പോൾ മൂന്നുപേരും കൂടിയല്ലേ മറിയത്തെ ഗർഭിണിയാക്കിയത്?

🔶 - അല്ല, പരിശുദ്ധാത്മാവ് ഒറ്റക്കാണ്.

🔷 - ഉം എന്നിട്ട് എന്നിട്ട് എന്നിട്ട് ...?

🔶 - എന്നിട്ടെന്താ, മറിയം പ്രസവിച്ചു.

🔷 - ഉം ഇത് ഒരു നടക്ക് പോവൂല്ലാ...

നബി: ഇതൊന്നും എന്റ്റെ കണ്ടുപിടുത്തമല്ല.

ബൈബിൾ പ്രാകാരം ത്രിയേക ദൈവം (ത്രിത്വം) നിലനിൽക്കില്ല. അത് സഭയുടെ സൃഷ്ടി മാത്രമാണ്.

ഓൾ ഓഫ് യു ഗോ ടു യുവർ ക്ലാസ്സെസ്സ്!

ബൈബിൾ സംശയങ്ങൾ!

ജോർജ്ജ് - ഇല്ലാത്ത വിശുദ്ധനും ബല്ലാത്ത ജാതിയും!

ആമുഖം

ആഗോള കത്തോലിക്കാ സമൂഹത്തില്‍ ഏറ്റവും കൂടുതല്‍ അറിയപ്പെടുന്ന വിശുദ്ധരില്‍ ഒരാളാണ് സെന്‍റ്റ് ജോര്‍ജ്ജ് എന്ന വിശുദ്ധ ഗീവര്‍ഗ്ഗീസ്. ഇഗ്ലണ്ട്, കാനഡ, എത്യോപ്യ, ജോര്‍ജ, ജെര്‍മ്മനി, ഗ്രീസ്, മാള്‍ട്ട, പോര്‍ച്ചുഗല്‍, സെര്‍ബിയ മുതലായ രാജ്യങ്ങളിലെയും, ഇറ്റലിയിലെ നൂറില്‍ ആധികം ചെറുതും വലുതുമായ പട്ടണങ്ങളുടെയും മധ്യസ്ഥനാണ് വി. ജോര്‍ജ്ജ്. ഒരു പക്ഷേ കത്തോലിക്കാ സഭയില്‍ ഏറ്റവും കൂടുതല്‍ മധ്യസ്ഥസ്ഥാനം വഹിക്കുന്നതും വി.ജോര്‍ജ്ജ് തന്നെയാണ് എന്ന് കാണാം, അദ്ദേഹത്തെ കുറിച്ച് അറിയാന്‍ ശ്രമിച്ചപ്പോള്‍ ലഭിച്ചത് കൗതുകകരവും വളരെ വ്യത്യസ്ഥങ്ങളായ വിവരങ്ങളാണ്. എന്റ്റെ അന്വേഷണത്തില്‍ ലഭിച്ച വിവരങ്ങള്‍ ഇവിടെ കുറിക്കുന്നു. ഇതിന്റ്റെ തലക്കെട്ട്‌ കാര്യമായെടുക്കാതെ, വായനക്കാര്‍ തിരിച്ചറിയട്ടെ, തീരുമാനിക്കട്ടെ, വിധി എഴുതട്ടെ: ഗീവര്‍ഗ്ഗീസ് എന്ന സെന്‍റ്റ് ജോര്‍ജ്ജിനെ കുറിച്ച്.

കത്തോലിക്കാ സഭ 

ഡയക്ലീഷൻ [244 - 312 CE]

ഡയക്ലീഷന്‍ ചക്രവര്‍ത്തിയുടെ കാലത്താണ് ക്രിസ്തുമതം ഏറ്റവും കൂടുതല്‍ പീഡനങ്ങള്‍ ഏറ്റുവാങ്ങിയത്. ക്രിസ്തുമത വിശ്വാസം സംരക്ഷിക്കാന്‍ വേണ്ടി മരണം വരിച്ച രക്തസാക്ഷിയായ റോമന്‍ പടയാളിയും, ലിബിയന്‍ പ്രോവിന്സില്‍പെട്ട സിലേന എന്ന പട്ടണത്തില്‍ വച്ച് ഒരു ഐതിഹ്യ വേതാളത്തെ കൊന്ന് രാജ്ഞിയെ രക്ഷിക്കുകയും ചെയ്തു എന്നാണ് സഭ വി. ജോര്‍ജ്ജിനെ പരിചയപ്പെടുത്തുന്നത്.

St. George  [AD 275/281 - 23 April 303]. ഒരു കുലീന സിറിയന്‍ കുടുംബത്തില്‍ ജനിച്ചു എന്ന് പറയുന്ന ജോര്‍ജ്ജിനെ കുറിച്ച് ചരിത്ര സാക്ഷ്യങ്ങള്‍ ഒന്നും തന്നെയില്ല. വ്യത്യസ്തമായ കഥകളാണ് നിലവിലുള്ളത് തന്നെ.  മാതാവ്: പോളിക്രോണിയ [Polychronia from Lydda, Roman province of Syria, Palestine] പിതാവ്: ജെറോണ്‍ഷ്യസ് [Gerontius, Cappadocia, Turkey ] റോമന്‍ പടയാളി. ഓര്‍മ്മ തിരുന്നാള്‍: ഏപ്രില്‍ 23.

ഓര്‍ത്തഡോക്സ് സഭ: റോമന്‍ കത്തോലിക്കാ സഭയില്‍ നിന്നും വിപരീതമായി, ബ്രിട്ടീഷ്‌ മ്യൂസിയത്തില്‍ സൂക്ഷിച്ചിരിക്കുന്ന ഓര്‍ത്തഡോക്സ് സഭയുടെ 'എത്യോപ്യന്‍ സിനക്സ്സാരിയം' [ Ethiopian Synaxarium ]  എന്ന അനുദിന വിശുദ്ധരുടെ താളുകളില്‍, മേയ് ഒന്നിന് അനുസ്മരിക്കുന്ന വി.ജോര്‍ജ്ജിന്റ്റെ മാതാപിതാക്കളുടെ പേരുകള്‍ പോലും വ്യത്യസ്തമാണ് വിശുദ്ധ ജോര്‍ജ്ജ്: ഓര്‍മ്മ തിരുന്നാള്‍: മേയ് 1, മാതാവ്: തെയോബസ്തെ [Theobasthe] പിതാവ്: അനസ്തേഷ്യാസ് [Anasthasius] ഇവര്‍ രണ്ടുപേരും ഓര്‍ത്തഡോക്സ് സഭയിലെ വിശുദ്ധരാണ് എന്നതാണ്, കത്തോലിക്കാ സഭ അറിയാത്ത / പറയാത്ത കൗതുകകരമായ മറ്റൊരു കാര്യം.

വൈരുദ്ധ്യങ്ങള്‍: എത്യോപ്യന്‍ സഭ പറയുന്നതാണ് സത്യമെങ്കില്‍, കത്തോലിക്കാ സഭ നുണ പറഞ്ഞു. കത്തോലിക്കാ സഭ പറഞ്ഞത് സത്യമാണെങ്കില്‍, നേരെ മറിച്ചും. ഇനി രണ്ടുപേരും പറയുന്നത് സത്യമാണെങ്കില്‍ വി.ജോര്‍ജ്ജിന് രണ്ട് മാതാവും രണ്ട് പിതാവും ഉണ്ട്. റോമില്‍ ജോര്‍ജ്ജിനെ കുറിച്ച് കഥകള്‍ രചിച്ചപ്പോള്‍, മറ്റു സഭകളില്‍ നിലവിലുള്ള കഥകള്‍ റോമന്‍ അധികാരികള്‍ തിരക്കിയില്ല/ അറിഞ്ഞില്ല എന്നതാണ് അങ്ങനെ വരാന്‍ കാരണം. എന്ത് കൊണ്ട് കത്തോലിക്കാ സഭക്ക് ജോര്‍ജ്ജ് എന്ന ഒരു ഇതിഹാസ വീര നായകനെ വിശുദ്ധനായി ലഭിച്ചു എന്ന് തിരയുമ്പോള്‍ ലഭിക്കുന്ന കൗതുക കരമായ ചില കഥകള്‍ കാണാം: [ചിത്രം വി. ജോര്‍ജ്ജ് മാതാപിതാക്കളോടൊപ്പം]

സമാന കഥകള്‍ 

കത്തോലിക്കാ സഭയില്‍  ജോര്‍ജ്ജ് ജനിക്കുന്നതിനു മുന്‍പുതന്നെ പുരാതന ഗ്രീക്ക്, റോമന്‍ ഇതിഹാസങ്ങളില്‍ നില നിന്നിരുന്ന ചില കഥാ പാത്രങ്ങളെ പരിചയപ്പെടാം:

കിമെയ്റ The Chimera[ Χίμαιρα ‎Khímaira] - വിശ്വ വിഖ്യാതകവി ഹോമര്‍,  ഗ്രീസ് ഇതിഹാസകാവ്യമായ ഇല്ലിയഡില്‍ [1260 - 1180 BC]   ആവിഷ്ക്കരിക്കുന്ന ഒരു സത്വമുണ്ട്; തീ തുപ്പുന്ന സിംഹത്തിന്റ്റെ തലയും, പാര്‍ശ്വത്തില്‍ നിന്ന് വളരുന്ന ആടിന്റ്റെ തലയുള്ള  ഉടലും, വാല്‍ ഭാഗത്ത്‌ തീ ചീറ്റുന്ന വിഷ സര്‍പ്പവും, അതാണ്‌ കിമെയ്റ. 

ബെല്ലറഫോണ്‍ [Bellerophon] - പുരാതന ഗ്രീക്ക് ഇതിഹാസത്തില്‍  വേതാളങ്ങളെ കൊല്ലുന്ന  ഒരു വീര യോദ്ധാവാണ് ബെല്ലറഫോണ്‍. പെഗസൂസ് [Pegasus] എന്ന ചിറകുള്ള  വെളുത്ത കുതിരപ്പുറത്തു കയറി വന്ന്, കിമെയ്റ എന്ന വ്യാളിയെ കൊല്ലുന്നത് ബെല്ലറഫോണാണ്. ഇതിന്റ്റെ ചിത്രാവിഷ്ക്കാരങ്ങള്‍ യേശുവിന് 500 വര്‍ഷം മുന്‍പ് മുതല്‍ ഉണ്ടായിരുന്നതായി ഗ്രീസിന്റ്റെ പലഭാഗത്ത്‌ നിന്നും കണ്ടെത്തിയ പുരാവസ്തു ചരിത്രാവശിഷ്ട്ടങ്ങള്‍ ഇപ്പോഴും സാക്ഷ്യം നല്‍കുന്നുണ്ട്. [ ചിത്രം: കിമെയ്റയെ കൊല്ലുന്ന ബെല്ലറഫോണ്‍ 350 - 300 BCE]

ആൻഡ്രോമീഡ [Andromeda] BCE 412-ല്‍ യൂറിപിഡിസ് പുരാതന ഗ്രീക്ക് ഇതിഹാസ കഥാപാത്രമായ ആൻഡ്രോമീഡയെ     കുറിച്ചെഴുതിയ നാടകത്തില്‍, എത്യോപ്യയിലെ സിഫിയസ് രാജാവിന്റെയും കസിയോപ്പിയ രാജ്ഞിയുടെയും അതിസുന്ദരിയായ മകളെ കുറിച്ച് പ്രതിപാതിക്കുന്നുണ്ട്. തന്റ്റെ മകള്‍ മറ്റാരെക്കാളും അതി സുന്ദരിയാണെന്ന കസിയോപ്പിയയുടെ അഹങ്കാരത്തില്‍ കുപിതനായ പോസേയ്ദോണ്‍, സീഫിയസിന്റ്റെ രാജ്യം നശിപ്പിക്കാന്‍ ഒരു വ്യാളിയെ അയക്കുന്നു. ഗത്യന്തരം ഇല്ലാതെ സീഫിയസ് രാജ്യരക്ഷക്ക് വേണ്ടി തന്റ്റെ മകളെ   വലിയൊരു കല്ലില്‍ ബന്ധനസ്തയാക്കുന്നു. ഈ അവസരത്തില്‍ ആതുവഴി പേഗസൂസ് എന്ന പറക്കുന്ന കുതിരപ്പുറത്ത്‌  വന്ന പേര്‍സേവൂസ് [ Perseus ] കസിയോപ്പിയയെ കാണുകയും വ്യാളിയെ കൊന്ന് രാജകുമാരിയെ രക്ഷിക്കുകയും, രാജാവ് തന്റ്റെ മകളെ പെര്‍സേവൂസിനു വിവാഹം ചെയ്തു കൊടുക്കുകയും ചെയ്യുന്നു.  ജൂപിറ്റര്‍[Jupitar and Typhon] - റോമന്‍ ഇതിഹാസത്തിലെ ദേവനായിരുന്ന ജൂപിറ്റര്‍, ടിഫോണ്‍ എന്ന വേതാളത്തെ കൊല്ലുന്ന കഥകളും   റോമന്‍ മതത്തില്‍ നിലനിന്നിരുന്നു. അതിനുള്ള തെളിവുകളാണ് റോമാ സാമ്മ്രാജ്യത്തില്‍ നിലനിന്നിരുന്ന ജൂപിറ്റര്‍ സ്തൂപങ്ങള്‍ [Jupitar colunms]  

മത പ്രചരണം: 1200  വിശ്വാസികളുടെ ഇടയില്‍ വി. ജോര്‍ജ്ജ് അറിയപ്പെട്ടിരുന്നു എങ്കില്‍ തന്നെയും, ഇറ്റലിയിലെ ജേനോവാ പട്ടണത്തിലെ ആര്‍ച്ച് ബിഷപ്‌ യാക്കൊബൂസ് ദെ വോറാജിനെ [Jacobus De Voragine]     1260-ല്‍ എഴുതിയതായി കണക്കാക്കുന്ന  The Golden Legends  [ Legenda Aurea/ Readings of the Saints ]  എന്ന കഥാ ശേഖരത്തില്‍ ഇടം നേടിയത് മുതലാണ്‌ വി. ജോര്‍ജ്ജിന് മദ്ധ്യകാല [ Middle Ages] യൂറോപ്പില്‍ കൂടുതല്‍ പ്രചാരം ലഭിച്ചത്. 

1300

പാശ്ചാത്യ കൊളോണലിസമായിരുന്നു ക്രിസ്തുമതം പ്രചാരണത്തില്‍ എന്നും മുന്‍പന്തിയില്‍ നിന്നിരുന്നത്. സൂര്യന്‍ അസ്തമിക്കാത്ത സാമ്രാജ്യത്തിന്റ്റെ തേരോട്ടങ്ങള്‍ കടന്നുപോയ നാടുകളെ പിടിച്ചടക്കി, അടിച്ചമര്‍ത്തി, അടിച്ചേല്‍പ്പിക്കപ്പെട്ട വിശ്വാസത്തോടൊപ്പം, അവര്‍ പോയ വഴികളിലെല്ലാം വി.ജോര്‍ജ്ജിന്റ്റെ  കഥകളും മുളച്ചു പൊങ്ങി. വിശ്വാസ സംരക്ഷകനും, കുരിശ് യുദ്ധങ്ങളുടെ കാലത്ത് പടയാളികള്‍ക്ക് വീറും വാശിയും നല്‍കാന്‍ സൃഷ്ട്ടിക്കപ്പെട്ട ഒരു വീര പോരാളി എന്നും വിശുദ്ധ ജോര്‍ജ്ജിനെ കാണാവുന്നതാണ്. പലപ്പോഴായി പടയാളിള്‍ക്ക് പ്രത്യക്ഷപ്പെട്ടുവെന്നും, യുദ്ധങ്ങള്‍ അതുമൂലം വിജയിച്ചു എന്നും ധാരാളം കഥകളും നിലനിന്നിരുന്നു. 1327ല്‍ എഡ്വേഡ് മൂന്നാമാന്റ്റെ കാലത്ത് ഇഗ്ലണ്ടിന്റ്റെ മധ്യസ്ഥ വിശുദ്ധനായി  ജോര്‍ജ്ജിനെ പ്രഖ്യാപിച്ചു. 

ഓര്‍മ്മ തിരുന്നാള്‍: ഏപ്രില്‍ 23 - Pope Gelasius I  CE  494 ല്‍ ജോര്‍ജ്ജിനെ വിശുദ്ധനായി പ്രഖ്യാപിച്ചു. ആദ്യ കാലങ്ങളില്‍ സഭ ഒരാളെ വിശുദ്ധനായി തിരഞ്ഞെടുത്തിരുന്നത്,   വിശ്വാസ  സമൂഹം, മരണ ശേഷം,  ആ വ്യക്തിയോട് കാണിച്ചിരുന്ന ആരാധന, ബഹുമാനം, ആദരവ്, എന്നിവയുടെ  അടിസ്ഥാനത്തില്‍ ആയിരുന്നു. CE 303 ഏപ്രില്‍ 23ന്, ക്രൈസ്തവ വിശ്വാസം സംരക്ഷിക്കാന്‍ ജോര്‍ജ്ജ് മരണത്തെ വരിച്ചു എന്ന് ഉറപ്പിച്ചു പറയുന്ന സഭ, ജോര്‍ജ്ജിനെ വിശുദ്ധനായി പ്രഖ്യാപിക്കുന്നത് CE 494-ലിലാണ്, അതായത്  മരിച്ച് 191വര്‍ഷങ്ങള്‍ കഴിഞ്ഞായിരുന്നു എന്നത് വലിയ അതിശയോക്തി തന്നെ!!! ആ വേളയില്‍: "നമ്മുടെ ഇടയില്‍ ഏറ്റവും കൂടുതല്‍ ആദരിക്കപ്പെടുന്നതാണെങ്കിലും, വിശുദ്ധന്‍റ്റെ പ്രവര്‍ത്തികള്‍ ദൈവത്തിന് മാത്രമേ അറിവുള്ളൂ" എന്ന Pope Gelasius I മാര്‍പ്പാപ്പയുടെ വാക്കുകള്‍, അന്നും ജോര്‍ജ്ജ് എന്ന വിശുദ്ധനെ കുറിച്ച് യാതൊരു തെളിവുകളും സഭക്ക് അറിയില്ലായിരുന്നു എന്ന സത്യം, പറയാതെ തന്നെ ശരിവക്കുകയാണ് മാര്‍പ്പാപ്പ ചെയ്തത്. എന്തുകൊണ്ട് 'ഏപ്രില്‍ 23' ഓര്‍മ്മ തിരുന്നാളായി എന്ന് തിരഞ്ഞാല്‍ മറ്റൊരു കാര്യം വ്യക്തമാകും.

റോമന്‍ ഉത്സവങ്ങള്‍ 

ലൂപെര്‍കളിയാ [Lupecalia]

ആടുമാടുകള്‍ക്ക് വന്ന്യമൃഗങ്ങളില്‍ നിന്നും സംരക്ഷണം ലഭിക്കാന്‍ 

ഫെബ്രുവരി മാസം രണ്ടാമത്തെ ആഴ്ചയില്‍ റോമാക്കാര്‍ നടത്തിയിരുന്ന ഒരു  ഉത്സവമായിരുന്നു ലൂപേര്‍കളിയ.  

പരീലിയ [Parilia]  

റോം സ്ഥാപിതമായത് ഏപ്രില്‍ 21-നായിരുന്നു എന്നാണ് റോമന്‍ ജനത വിശ്വസിച്ചിരുന്നത്. അന്നേ ദിവസം ആടുമാടുകളുടെയും ഇടയന്മ്മാരുടെയും  സംരക്ഷകയായ പലെസ് [Pales] ദേവിയുടെ ഉത്സവമായ പരീലിയ [Parilia/Palilia ] അവര്‍ ആഘോഷിച്ചിരുന്നത്.

വിനാലിയ [ Vinalia {Priora / Urbana}] ഓരോ വര്‍ഷവും ഏപ്രില്‍ 23-ന്,  കഴിഞ്ഞ് പോയ വര്‍ഷത്തെ വീഞ്ഞ് രുചി നോക്കുകയും, അന്നേ ദിവസം തന്നെയായിരുന്നു Jupiter -  Venus  ദേവീ ദേവന്മ്മാരുടെ ഉത്സവവും നടത്തിയിരുന്നത്.   

Pope Gelasius I - സഭയുടെ അധികാര രാഷ്ടീയം എങ്ങനെയാണ് ആധിപത്യം സ്ഥാപിച്ചത് എന്ന് മനസ്സിലാക്കാന്‍, CE 494-ല്‍ പോപ്പ് ഗെലാഷ്യസ് ഒന്നാമന്‍ റോമന്‍ ചക്രവര്‍ത്തിക്ക് [ Anastasius I ] എഴുതിയ കത്ത് വായിച്ചാല്‍ മനസ്സിലാകും. The two powers [Duo Sunt], നമ്മള്‍ രണ്ടാള്‍ക്കും അധികാരം ഉണ്ട്, സഭയുടെ വിശുദ്ധ അധികാരവും, ചക്രവര്‍ത്തിയും രാഷ്ട്രീയ അധികാരവും. എന്നാല്‍ വിശ്വസത്തിന്റ്റെ കാര്യത്തില്‍ രാഷ്ട്ര അധികാരം പാപ്പയ്ക്ക് മുന്‍പില്‍ മുട്ട് മടക്കണം. അതിന്റ്റെ ഭാഗമായി CE 494-ല്‍ ലൂപ്പെര്‍കളിയാ എന്ന റോമന്‍ ഉത്സവതിന്റ്റെ സ്ഥാനത്ത് മാതാവിന്റ്റെ വിശുദ്ദീകരണ തിരുന്നാള്‍ ആഘോഷിക്കാന്‍ തീരുമാനിച്ചു.

റോമന്‍ ജനതയുടെ മറ്റൊരു പ്രധാന ഉത്സവമായിരുന്ന വിനാലിയ. സൗന്ദര്യം, അനുരാഗം, കാമം, സന്താന സൌഭാഗ്യം, എന്നിവയുടെ ദേവതയായ വീനസിന്റ്റെയും, നല്ല കാലാവസ്തയുടെയും, വിളവു കാക്കുന്ന ജുപിറ്റര്‍ ദേവന്റ്റെയും വലിയൊരു ഉത്സവത്തെയും ഇല്ലായ്മ ചെയ്യാന്‍ ഏപ്രില്‍ 23-ന് വിശുദ്ധ ജോര്‍ജ്ജിന്റ്റെ തിരുന്നാള്‍ ആഘോഷിക്കാന്‍ സഭ തീരമാനിച്ചു.

Roman Martyrology

1583 ല്‍ ആദ്യമായി പ്രസിദ്ധീകരിച്ച റോമന്‍ രക്തസാക്ഷികളുടെ പുസ്തകത്തില്‍  'ഏപ്രില്‍ 23' എന്നത് ജോര്‍ജ്ജിന്റ്റെ ജനന തിയതി എന്നാണ് പറയുന്നത്. എന്നാല്‍ വേറെ ഒരിടത്തും ഇങ്ങനെ ഒരു ജനന തിയതി രേഖപ്പെടുത്തിയിട്ടില്ല. മറിച്ച് രക്ത സാക്ഷി ദിനമായിട്ടാണ് കാണുന്നത്. ഇന്നും ഓര്‍മ്മ തിരുന്നാള്‍ ഏപ്രില്‍ 23 നാണ്. 

പഴയ റോമാ സാമ്രാജ്യത്തില്‍ പലയിടങ്ങളിലും വിശുദ്ധ ജോര്‍ജ്ജിന്റ്റെ പള്ളികള്‍ ഉണ്ടായിരുന്നു എന്ന് ചില സ്ഥലങ്ങളില്‍ കാണുകയുണ്ടായി. എന്നാല്‍ യഥാര്‍ത്ഥത്തില്‍ ആരാധനാലയങ്ങള്‍ ഉണ്ടായിരുന്നത് Zeus Georgos എന്ന ഗ്രീക്ക് ദേവന്റ്റെ പേരിലായിരുന്നു.

ക്രീറ്റ് എന്ന ഗ്രീക്ക് ദ്വീപില്‍,  ആരെങ്കിലും മോഷണ കുറ്റത്തിന് പിടിക്കപെട്ടാല്‍, സത്യം തെളിയിക്കാന്‍  അവരെ സേവുസിന്റ്റെ  ദേവാലയത്തില്‍ കൊണ്ടുവന്ന്,  ഇപ്രകാരം സത്യം ചെയ്യിക്കുമായിരുന്നു:"സേവൂസ് ദേവന്‍റ്റെ നാമത്തില്‍ എനിക്ക് ഒന്നും അറിയില്ലെന്ന് ഞാന്‍ സത്യം ചെയ്യുന്നു." [Ni ma Ze kai amnogo sou, prama den katexo]. ക്രിസ്തുമതം വളര്‍ന്നു വന്നപ്പോള്‍ സെവൂസിന് പ്രതിമയ്ക്ക്  പകരം അവിടെ വിശുദ്ധ ജോര്‍ജ്ജിന്റ്റെ ചിത്രമായി മാറി. എന്നാല്‍ പ്രതിജ്ഞക്ക് മാറ്റം ഇല്ലായിരുന്നു. ഇന്ന്   ആ ദേവാലയം Monastery of Diskouri, Enagron Village, Crete എന്നറിയപ്പെടുന്നു. 

 [ Mosaic ca. 350-325 BCE ]

പേരിനു പുറകില്‍ 

ക്രിസ്ത്യന്‍  മാതാപിതാക്കളില്‍   നിന്നും ജനിച്ച കുഞ്ഞിന് എങ്ങനെയാണ്,  ഗ്രീക്ക്  ദേവന്റ്റെ  പേര് നല്‍കിയത്!? അല്ലെങ്കില്‍, എന്തുകൊണ്ട് ജോര്‍ജ്ജ് എന്ന പേര് ജനങ്ങളില്‍ വലിയ സ്വാധീനം ഉണ്ടാക്കി എന്നത്  മനസ്സിലാകണമെങ്കില്‍ ഏതാനും നൂറ്റാണ്ടുകള്‍ പുറകോട്ടു പോകണം! 

ഗ്രീക്കുകാര്‍ ആരാധിച്ചിരുന്ന    Zeus Georgos,  നല്ല വിളകളുടെയും, കൊയ്ത്തിന്റ്റെയും, നല്ല കാലാവസ്ഥയുടെയും, ദൈവമായിയുന്നു.   ഒരു കുലീന കുടുംബത്തില്‍ ജനിച്ച ഗ്രീസിലെ ദമ്പതികള്‍ തങ്ങളുടെ മകന് ഗ്രീക്ക് ദേവന്‍റ്റെ പേരുതന്നെയാണ് നല്‍കിയതെങ്കിലും, ജോര്‍ജ്ജ്  എന്ന വാക്കിന് അര്‍ത്ഥം   മണ്ണില്‍ ജോലിചെയ്യുന്നവന്‍ എന്നായിരുന്നു. 90% മണ്ണില്‍ ജോലിചെയ്യുന്ന സാധാരക്കാരായ: കര്‍ഷകര്‍, കുശവര്‍, മുക്കുവര്‍, ഇടയന്മ്മാര്‍, പടയാളികള്‍ എന്നിവരുടെ ഇടയില്‍, ഏറ്റവും പ്രതിഫലനം ഉണ്ടാക്കുന്ന  പേരും കഥാ നായകനും ജോര്‍ജ്ജ് അല്ലാതെ വേറെ ഏതാണ്!? ക്രിസ്ത്യന്‍ വിശ്വാസികള്‍ എന്തുകൊണ്ട് തങ്ങളുടെ മകന് ഒരു ക്രിസ്തീയ [യഹൂദ ] പേര് നല്‍കാതിരുന്നത്!? 

1969 - വിശുദ്ധരുടെ കലണ്ടര്‍ 

മൂന്ന് വര്‍ഷം നീണ്ടു നിന്ന രണ്ടാം വത്തിക്കാന്‍ കൌണ്‍സിലിനു ശേഷം [1962 – 1965] പല ഭാഗങ്ങളില്‍  നിന്നും ഉയര്‍ന്നു വന്ന അഭിപ്രായങ്ങളുടെ ഫലമായി 'മിസ്തേരി പസ്ക്കാലിസ്'  [Mysterii Paschalis] എന്ന പേരില്‍ 1969 തില്‍ പോള്‍ ആറാമന്‍ മാര്‍പ്പാപ റോമന്‍ കത്തോലിക്കാ സഭയുടെ ആരാധ കലണ്ടറില്‍ മാറ്റങ്ങള്‍ വരുത്തി. തത്ഫലമായി, ആവശ്യമായ ചരിത്ര രേഖകള്‍ ഇല്ലാത്തതും, അതിശയോതിയും വിശ്വാസ രഹിതവുമായ കഥകളിലൂടെ  ജന്മം കൊണ്ട  ഐതിഹ്യ വിശുദ്ധരെയും   അനുദിന വിശുദ്ധരുടെ കലണ്ടറില്‍ നിന്നും നീക്കം ചെയ്യുകയും, മറ്റു പലരുടെയും ഓര്‍മ്മ തിരുന്നാളുകളുടെ ദിവസങ്ങള്‍ക്കും മാറ്റം വരുത്തി. അവയില്‍ പ്രധാനപ്പെട്ട ഒന്നായിരുന്നു വി.ഗീവര്‍ഗ്ഗീസിനെ കലണ്ടറില്‍ നിന്നും മാറ്റിയത്.  

എന്നാല്‍ പിന്നീട്,  ആരാധാനാ കലണ്ടറില്‍ സഭയുടെ മൗനാനുവാദത്തോടെ  ജോര്‍ജ്ജ് വീണ്ടും ഇടം നേടി. സഭക്ക് വേണ്ടത് പണവും വിശ്വാസികള്‍ക്ക് വേണ്ടത് വിശുദ്ധരെയുമാണ്, അവിടെ സത്യത്തിന് എന്ത് വില?

ഒരു കുലീന കുടുംബത്തില്‍ സിറിയന്‍ മാതാപിതാക്കളില്‍ നിന്നും ജനിച്ചു വളര്‍ന്ന, ഒരു റോമന്‍ സൈന്ന്യാധിപധിയുടെ  മകനും, റോമന്‍ സൈനീകനും, പിന്നീട് ക്രിസ്തുമത സംരക്ഷന്തിന് വേണ്ടി രക്തസാക്ഷി ആയിട്ട് പോലും  എന്തുകൊണ്ടാണ് സിറിയന്‍ ക്രിസ്തുമത വിശ്വാസികളുടെ ഇടയില്‍   ഇങ്ങനെ ഒരു വിശുദ്ധനെ ആരും ഓര്‍ക്കാതിരുന്നത് എന്ന് ആലോചിച്ചാല്‍ മാത്രം മനസ്സിലാകും, അങ്ങനെ ഒരു വ്യക്തിയെ  ആ പ്രദേശത്ത് ആരും തന്നെ അറിഞ്ഞിരുന്നില്ല, അത് വെറും ഒരു മുത്തശ്ശികഥ മാത്രമാണെന്ന് മനസ്സിലാക്കാന്‍!

ഉപസംഹാരം 

ഗ്രീക്ക്, റോമന്‍, സാമ്രാജ്യങ്ങളിലെ മുത്തശ്ശി കഥകളില്‍ ഇത്തരം ധാരാളം വീര പുരുഷന്മ്മാര്‍ ഉണ്ടായിരുന്നു. എഴുത്തും വായനയും അറിയാത്ത 90% സാധാരക്കാരില്‍ ഒരു ഭാഗമായിരുന്നു ആദിമ ക്രിസ്ത്യാനികള്‍. കഥകള്‍ ഇഷ്ട്ടപ്പെട്ടിരുന്ന ആ ജനങ്ങളിലേക്ക് സഭ എറിഞ്ഞു കൊടുത്ത ഒരു നുണ കഥയിലെ വീര നായകനാണ് ജോര്‍ജ്ജ്. അല്ലെങ്കില്‍ റോമന്‍ ഗ്രീക്ക് മത വിശ്വാസികളുടെ ഇടയില്‍ ഏറ്റവും കൂടുതല്‍ അറിയപെട്ടിരുന്ന സേവൂസ് ജോര്‍ജ്ജ് എന്ന ദേവനെ മാറ്റി ജോര്‍ജ്ജ് എന്ന ഒരു വിശുദ്ധനെ സ്ഥാപിക്കുകയായിരുന്നു സഭ ചെയ്തത്!

ഡയക്ലീഷൻ [ Diocletian ] ചക്രവര്‍ത്തി യുടെ കാലത്ത് ആയിര കണക്കിന് ക്രിസ്ത്യാനികള്‍ മത പീഡനത്തിന് ഇരയായി കൊല്ലപ്പെട്ടു എങ്കില്‍, അതില്‍ ഒന്നോ രണ്ടോ പേര്‍ മാത്രം ശ്രദ്ധിക്കപെടുന്നത് എങ്ങിനെ!?

തന്റ്റെ വിശ്വാസം ഏറ്റു പറയാത്ത   എല്ലാ ക്രിസ്ത്യാനി പടയാളികളെയും കൊല്ലാന്‍  ഡയക്ലീഷൻ തീരുമാനിച്ച സ്ഥിതിക്ക്, ഒരു കേവല റോമന്‍ പടയാളി  മാത്രം ശ്രദ്ധിക്കപെടുന്നത് എങ്ങിനെ?  

കഥകള്‍ ഇഷ്ട്ടപ്പെട്ടിരുന്ന സാമൂഹത്തില്‍, വ്യാളികളും സത്വങ്ങളും സത്യമാണെന്ന്    വിശ്വാസിച്ചിരുന്നവരുടെ ഇടയില്‍, സഭ പറഞ്ഞു പരത്തിയ  പുതിയ കഥയും വളരെ എളുപ്പം  ഇടം നേടി! കാരണം വ്യാളികള്‍ ഐതിഹ്യങ്ങളുടെ താളുകളിലെ ഭീതിപ്പെടുത്തുന്ന ഒരു ഭീകര സത്വമാണെന്ന കാര്യം സഭക്ക് മാത്രമാണ് അറിവില്ലാത്തത്‌. ബൈബിളിലും അത്തരം സത്വങ്ങള്‍ ധാരാളം ഉണ്ടല്ലോ!

എന്തിനേറെ പറയുന്നു, 1933 ല്‍ സ്കോട്ട്ലാന്‍ഡില്‍  പുറത്തിറങ്ങിയ, പിന്നീട് നെസ്സി [ Nessie] എന്ന് നാമകരണം ചെയ്യപ്പെട്ട  Loch Ness Monster, എന്ന സത്വത്തില്‍ ഇരുപതാം നൂറ്റാണ്ടിലെ  ജനം വിശ്വസ്സിച്ചില്ലേ, പിന്നെയാണോ 1500 വര്‍ഷം മുന്‍പുള്ള കാര്യം!?

ഗ്രീക്ക് റോമന്‍ മതങ്ങളെ അടിച്ചമര്‍ത്തി വളര്‍ന്നുവന്ന ക്രിസ്തുമതത്തില്‍, അന്നത്തെ  ജനത്തിന്റ്റെ ആവശ്യം മനസ്സിലാക്കിയ സഭാ നേതൃത്വം, മെനഞ്ഞെടുത്ത ഒരു കഥ മാത്രമായിരുന്നു ജോര്‍ജ്ജിന്റ്റെത്. 

ജോര്‍ജ്ജ് എന്ന ഒരു വിശുദ്ധനെ സൃഷ്ട്ടിക്കുന്നതിന് പുറകില്‍ സഭക്ക് വ്യക്തമായ ഒരു  അജണ്ട  ഉണ്ടായിരുന്നു. ഗ്രീക്ക് /റോമന്‍  മത വിശ്വാസികളെ ക്രിസ്തുമതത്തിലേക്ക് കൊണ്ടുവരിക എന്ന പരമ പ്രധാന  ദൗത്യം തന്നെയായിടുന്നു അത്. ജോര്‍ജ്ജ് എന്ന വിശുദ്ധനെ സൃഷ്ട്ടിച്ച്: കര്‍ഷകര്‍, നല്ല വിളയുടെയും,  ആട്ടിടയര്‍,  പടയാളികള്‍, കുതിരകള്‍, ആടുമാടുകള്‍ എന്നിവയുടെ മധ്യസ്ഥന്‍  എന്ന് നാമകരണം ചെയ്തതും അതിനായിരുന്നു.  

ഇല്ലാത്ത ദൈവതിന്റ്റെ പേരില്‍ മതം ഉണ്ടാക്കിയവരുടെ തലയില്‍ വിരിഞ്ഞ പുതിയൊരു സൂത്രം,  "മാര്‍ഗ്ഗം ഏതായാലും ലക്ഷ്യമാണ്‌ പ്രധാനം" എന്ന് തിരിച്ചറിഞ്ഞവര്‍, അടക്കാനാകാത്ത അധികാര മോഹത്തില്‍, നിലനില്‍പ്പിനാവശ്യം ആള്‍ബലമാനെന്നും, അതിലൂടെ മാത്രമേ വരുമാനവും, ശക്തിയും ലഭിക്കൂ എന്ന തിരിച്ചറിവായിരിക്കാം  പുതിയ ഒരു വിശുദ്ധനെ അടിച്ചു മാറ്റിയതിന് പുറകില്‍.   ഗ്രീക്ക് ദേവന്റ്റെ പേരും, റോമന്‍ ജനതുടെ  ഉത്സവവും കൂട്ടിച്ചേര്‍ത്ത്,  അധികാരമെന്ന ലക്ഷ്യത്തില്‍ എത്താന്‍ വിശ്വാസം രാഷ്ട്രീയമാക്കിയവര്‍ കണ്ടെത്തിയ പുതിയൊരു  മന്ത്രമായിരുന്നു വി. ജോര്‍ജ്ജ്! ഒരു ഗ്രീക്ക് ദേവനെതന്നെ വേരോടെ പിഴുതു ക്രിസ്തുമതത്തില്‍ നട്ട്പിടിപ്പിക്കുക  മാത്രമായിരുന്നു സഭ ചെയ്തത്. ഗ്രീക്ക്, റോമന്‍ മതങ്ങളെ അടിച്ചമര്‍ത്തി, സഭയെന്ന രാഷ്ട്രീയം വളര്‍ത്തി, പ്രതികരണശേഷി ഇല്ലാത്ത സാധാരണക്കാരുടെ  ഇടയില്‍ അവര്‍ക്ക് വിജയിക്കാനും സാധിച്ചു! ഇല്ലത്ത വിശുദ്ധനെ ഉണ്ടാക്കിയ ബല്ലാത്ത ജാതികള്‍!!! 
©®  Indian Gooseberries 

Mosaic: Bellerophon killing the Chimera, from Rhodes archaeological museum [ 300 - 270 BCE ]
Tag:
വിശുദ്ധ ഗീവർഗ്ഗീസ്
ഗീവർഗ്ഗീസ് സഹദാ 
ഗീവർഗ്ഗീസ് പുണ്യാളന്‍ 
St. George
©®

---------------------------------------------------------------------------------------------------

http://www.britannia.com/history/stgeorge.html

http://www.catholic.org/saints/saint.php?saint_id=280

https://www.britannica.com/biography/Saint-George

http://www.edappallystgeorge.org/

http://catholicsaints.info/saint-george/

http://www.newworldencyclopedia.org/entry/Saint_George

http://www.newadvent.org/cathen/06453a.htm

http://www.stmichaeleoc.org/Synaxarium/Miyazia_23.htm

https://en.wikipedia.org/wiki/Saint_George

http://www.bbc.co.uk/history/historic_figures/george_st.shtml

https://en.wikipedia.org/wiki/George_(given_name)

http://www.behindthename.com/name/george

https://en.wikipedia.org/wiki/Zeus_Georgos

https://www.worldhistory.org/Bellerophon/

http://www.bbc.co.uk/religion/religions/christianity/saints/george_1.shtml

http://www.copticchurch.net/synaxarium/8_23.html

http://www.nndb.com/people/444/000096156/

http://www.thepinkflamingoblog.com/2016/04/23/st-george-c-275-303/

http://www.copticchurch.net/synaxarium/8_23.html

http://www.bbcamerica.com/anglophenia/2014/04/five-facts-saint-george-saint-georges-day

https://www.flickr.com/photos/69716881@N02/12154714305

http://www.newworldencyclopedia.org/entry/Saint_George

http://www.ancient.eu/Diocletian/

https://en.wikipedia.org/wiki/Diocletianic_Persecution

http://www.newadvent.org/cathen/06453a.htm

https://en.wikipedia.org/wiki/Mysterii_Paschalis

https://en.wikipedia.org/wiki/General_Roman_Calendar

http://catholicsaints.info/catholic-encyclopedia-saint-george/

http://listverse.com/2014/05/17/10-beloved-saints-with-fictitious-biographies/

http://abcnews.go.com/International/saint-saint-kind-demoted/story?id=23477573

http://www.stmichaeleoc.org/The_Ethiopian_Synaxarium.pdf [Pg. 473, 74, 75]

https://en.wikipedia.org/wiki/Synaxarium

https://en.wikipedia.org/wiki/Calendar_of_saints

http://www.johnsanidopoulos.com/2012/04/saints-gerontius-and-polychronia.html

https://en.wikipedia.org/wiki/April_23_(Eastern_Orthodox_liturgics)

http://www.edappallystgeorge.org/stgeorge.html

http://www.saint.gr/1365/saint.aspx

https://it.wikipedia.org/wiki/Legenda_Aurea

http://www.historytoday.com/marc-morris/slaying-myths-st-george-and-dragon

http://www.bbc.co.uk/religion/religions/christianity/saints/george_1.shtml

https://www.mythpodcast.com/4219/44-saint-george-dragons/

http://www.pitt.edu/~dash/stgeorge1.html

https://en.wikipedia.org/wiki/Saint_George_and_the_Dragon

http://www.liturgyoffice.org.uk/Calendar/National/England2.shtml

http://www.ancient-origins.net/history-famous-people/exploring-famous-legend-st-george-and-dragon-005794

http://witchesandpagans.com/pagan-culture-blogs/from-the-oak/zeus-and-st-george.html

http://www.wikiwand.com/en/Saint_George

http://www.saint.gr/66/saint.aspx

http://www.saint.gr/1365/saint.aspx

http://bidl.cc.bas.bg/viewobject.php?id=105&lang=en

https://orthodoxwiki.org/index.php?title=April_1&mobileaction=toggle_view_mobile

http://www.apostoliki-diakonia.gr/gr_main/eortologio/eortologio.asp?file=apr/23.htm

http://www.army.gr/default.php?pname=VIOS_AGIOY_GEORGIOY&la=1

http://www.st-george-medal.com/St-George-Patron-Saint.htm

[1 - 2 - 3 - 4 - 5 - 6 - 7 - 8 - 9- 10 - 11- 12- 13- 14- 15- 16 ]

The Golden legents [1-2-3- 4 ]
Roman Feasts [ 1 - 2- 3 -4 -5 -]

Zeus Georgos  [ 1 - 2- 3- 4-5 ]
Pope Gelasius I [1 - 2- 3 -4 - 5 - 6 ]

https://en.wikipedia.org/wiki/Homer https://en.wikipedia.org/wiki/Iliad https://en.wikipedia.org/wiki/Greek_mythology http://www.theoi.com/Heros/Bellerophontes.html http://www.theoi.com/Ther/Khimaira.html http://www.theoi.com/Gallery/Z44.1.html https://en.wikipedia.org/wiki/Bellerophon https://en.wikipedia.org/wiki/Chimera_(mythology) https://en.wikipedia.org/wiki/Bellerophon http://www.greek-gods.org/greek-heroes/bellerophon.php https://en.wikipedia.org/wiki/Chimera_(mythology) http://www.theoi.com/Heros/Bellerophontes.html http://www.macedonian-heritage.gr/HellenicMacedonia/en/B1.2.3.1.html https://en.wikipedia.org/wiki/Andromeda_(mythology) https://www.britannica.com/topic/Andromeda-Greek-mythology http://mythworld.wikia.com/wiki/Chimera_(mythology) https://en.wikipedia.org/wiki/Andromeda_(mythology) https://4ofwands.wordpress.com/2012/03/30/pbp-zeus-georgos/ https://en.wikipedia.org/wiki/Saint_George%27s_Cross https://en.wikipedia.org/wiki/Mysterii_Paschalis#January http://full-of-grace-and-truth.blogspot.it/2009/04/st-george-great-martyr-trophy-bearer.html https://www.flickr.com/photos/sanctusbulgaria/14116622984/ http://www.stmichaeleoc.org/Synaxarium/Miyazia_23.htm http://coptorthodox.blogspot.it/2009/05/ethiopian-synaxarium-miyazia-23.html https://en.wikipedia.org/wiki/Vinalia

https://en.wikipedia.org/wiki/Vinaliainali

https://en.wikipedia.org/wiki/Saint_George's_Day

http://www.catholicherald.co.uk/news/2013/04/23/st-george-the-soldier-saint-of-which-little-is-known-for-sure/

http://www.independent.co.uk/news/uk/this-britain/the-big-question-who-was-st-george-and-why-is-celebrating-him-so-contentious-1672583.html
http://www.newworldencyclopedia.org/entry/Gelasius_I

https://en.wikipedia.org/wiki/Mysterii_Paschalis

https://en.wikipedia.org/wiki/General_Roman_Calendar#April

https://w2.vatican.va/content/paul-vi/en/apost_constitutions/documents/hf_p-vi_apc_19690403_missale-romanum.html

https://w2.vatican.va/content/paul-vi/en/motu_proprio/documents/hf_p-vi_motu-proprio_19690214_mysterii-paschalis.html

http://web.linkethiopia.org/guide-to-ethiopia/the-pankhurst-history-library/lives-of-ethiopian-saints/

http://www.stmichaeleoc.org/The_Ethiopian_Synaxarium.pdf

http://abcnews.go.com/International/saint-saint-kind-demoted/story?id=23477573

https://en.wikipedia.org/wiki/Roman_mythology

http://www.deomercurio.be/en/iom.html

https://nl.wikipedia.org/wiki/Jupiter_(mythologie)

https://en.wikipedia.org/wiki/Jupiter_Column

https://upload.wikimedia.org/wikipedia/commons/4/4c/Schwarzenacker_Jupitergigantenreiter.jpg

https://commons.wikimedia.org/wiki/Jupiter_Giant_Columns

http://www.theoi.com/Gigante/Typhoeus.html

http://www.greek-mythology-pantheon.com/zeus-jupiter-greek-god-king-of-the-gods-and-men/

https://en.wikipedia.org/wiki/List_of_saints

https://en.wikipedia.org/wiki/Chronological_list_of_saints_and_blesseds

^[1][2][3][4]

^{[1][2][3][4] [ 5]    [1][2][3]} 
[1 - 2 - 3 - ]

[1 - 2 - 3 - 4 - 5 - 6 - 7 - 8 - 9 -  ]

Images

Bellerophon and Chimaira. Edge of an Attic red-figure epinetron , ca. 425-420 BCE The mosaic floors of Olynthos, 432 BC Mosaic, 300 BC Bellerophon the Chimaira. Palmyra, Syria. Floor Mosaic, ca 260 CE http://www.telecomtally.com/a-beautiful-st-george-bellerophon-the-dragon-chimera-slayer-mosaic-from-palmyra/ https://commons.wikimedia.org/wiki/File:Mosaic_floor_with_the_representation_of_Bellerophon_and_Chimaira.jpg https://commons.wikimedia.org/wiki/File:Olynthos-mosaic-floor.jpg https://s-media-cache-ak0.pinimg.com/736x/0e/94/76/0e9476502d5508b0a884f96fb6ad742d.jpg http://www.masihyomasr.com/assets/files/news/Untitled-1copy-1.png https://blogger.googleusercontent.com/img/b/R29vZ2xl/AVvXsEjGEE0YBix_B5n8p5R9Mn2jU8GwQH6S0HgTrXJ_seMcQUHEH6LvtcSrFtETVr0Lil7CpyiEBX3kj75-Rov4Imh8Sh5d_ZLCIfVyQg_JmrOQ55-eewLofEMjQUrk_ryan_EpqGfaE4i2NrY0/s1600/ZeugmaBellorophon1a.jpg https://commons.wikimedia.org/wiki/Category:Chimera_in_ancient_Roman_mosaics http://de.academic.ru/pictures/dewiki/79/Olynth_Kieselmosaik_Bellerophon.jpg https://commons.wikimedia.org/wiki/File:Pittore_di_baltimora_(apulia),_piatto_con_chimera_e_bellerofonte_su_pegaso,_350-300_ac_ca._(depositi_M._Naz._romano).JPG Perseus saving Andromeda from the sea monster http://christopherklitou.com/icon_4_nov_gerontius_polychronia_parents_of_st_george.htm https://commons.wikimedia.org/wiki/File:Raphael_-_Saint_George_and_the_Dragon.jpg